得閒飲茶

营业中

休息中

因为地点方便，间中都有去呢间饮茶，虽然唔系特别好食。今次开3个位，1位11:35入去坐低开定茶，叫定嘢食，坐低无耐，有个员工不断比说话我听，话我未人齐，坐系度咁耐阻住佢，已经话佢知会叫定嘢食，带紧小朋友过嚟，11:45左右到。同左呢个员工呀姐讲，11:35先坐低，会叫定野食，蒸饭都要10分钟，凑小朋友黎到就岩岩好。呢员工继续不满系度指指点点，话坐咁耐阻住佢，仲要继续非常不满同另一个员工讲说话比我听，我入去前有另一个又系3位，1位坐低先，但员工冇比说话𠮶位客听，不断比说话我听，仲计住系唔系真系11:45另外两位会到。又同另一个员工话我系11:10说坐喺度坐到依家，人又唔齐坐系度咁耐。11:10，我仲搭紧车，11:30佢仲执紧枱。呢个员工大婶简直不可理喻！最后，既然呢个员工咁不满我哋呢枱客，仲要比佢地讲是非，明明11:35入座都屈到11:10已经坐低左，又未齐人，咁我唯有去第间食，唔好阻人做「生意」。建议贵店下次写明「人齐方可入坐」，未人齐既一律拒绝入坐，咁就唔使引贵店员工诸多不满，讲是讲非。饮个茶都比啲员工造谣讲是讲非，早十分钟开定位都咁不满。餐茶未饮已经一肚气！