潘記飯檔

营业中

休息中

都知道要预先打电话嚟问吓有咩食，朝头早问咗原来咁啱当日冇龙虾，只有海鲜汤，鲍鱼大菇，同埋蒸龙趸，屋企人好想试，于是都走过来睇吓咩环境。11:45嚟到，已经坐满左千千万万嘅地盘工人，好似打仗咁揾到个位，三个人叫咗两份海鲜汤，同埋一份蒜蓉粉丝蒸龙趸。蒜蓉粉丝龙趸，蒜蓉非常惹味，送饭几好，龙趸有啲胶质，口感一流。总算唔错。相比起嚟，呢个海鲜汤饭非常唔抵，切开一半嘅蟹煮完汤之后冇咩剩低，跌出嚟嘅蟹肉已经冇乜鲜味，虾好彩唔霉但都系无乜鲜味，蚬全部好细粒又唔见哂啲肉，又系滚完汤又系冇咩味，冇理由叫海鲜汤净系为咗个汤汁，啲海鲜完全冇味，10令块胜瓜只系陪衬。相比起$42嘅自助餐可以食新鲜蒸出嚟嘅蟹，虽然唔大只，但系起码可以保留鲜味。见到同台嘅人叫，仲有其他𩠌菜可以任食，唔好俾海鲜汤三个字呃到。仍然想试吓龙虾餐，之后如果有先再过嚟。否则应该都唔会再嚟。