囍慶酒家

营业中

休息中

而家出街食饭，度度都限时，想揾个地方三五知己一齐食个饭，倾下计过一晚，实在难揾到好地方。好彩醒起科学园呢间酒楼，可以慢慢坐，慢慢食。我地个位置几好，喺正中间，有大电视睇。座位够阔，唔会同人背贴背。装修以西式婚礼为主，高贵幽雅。其实我地今次系冲住片皮鸭而黎，点知今日卖晒呀。失望到一个点。不过算啦，唔开心一阵啦。我地四个人叫左8个𩠌，食饱饱补返数先。上汤龙虾伊面，龙虾炸过，肉质爽口，用左靓嘅上汤烩，再加上伊面做底，令到伊面吸收左鸡汤同埋龙虾嘅味道。乌鸡炖花胶螺头个汤好甜，唔油腻，补一补先吊烧鸡皮脆肉嫰，味道刚好唔会咸，同埋虽然叫左半只鸡，但都几大只。沙爹肥牛粉丝煲，牛肉非常腍，都几多肉汁，而沙嗲汁好香同好浓，粉丝索晒d香味，味道唔会辣，仲好惹味，送饭食一流。菠萝咕噜肉，炸浆够薄，非常脆口，内裹依然有肉汁，唔会太干。加上个汁少少甜，少少酸，好开胃，好容易令人食完一件又一件。椒盐鲍鱼，第一次咁食鲍鱼，少少脆，少少咸，都几好食。蒜蓉蒸贵妃蚌，贵妃蚌肉厚又鲜美，表面有好多蒜蓉覆盖著住，又香又惹味。粉丝完全吸收左贵妃蚌嘅鲜味，唔会太咸同太油。金银蛋苋菜，食左咁多肉，都需要有个菜既，呢个清清地，唔错嘅