鮨一 (厚福街)

营业中

休息中

好耐无同好朋友食饭饮酒。见到呢间餐厅网上评价好高，一于试吓。一坐低先叫返支清酒，再嚟过蕃茄沙律，清一清肠胃，酸酸甜甜，果然开胃，配埋入边有唔少鱼生，一齐食口感好好。另外叫咗几只蟹仔，估唔到系咁细只，但脆卜卜送酒食，一流！点都要叫番啲寿司，先有饱肚嘅感觉，海胆带子手卷，同牛油果吞拿鱼手卷，见到卖相已经好靓，可惜因为挂住影相，原本脆卜卜嘅紫菜，当我食嘅时候已经淋咗少少，不过依然觉得好好味。寿司拼盘有10旧，全部都好新鲜，好钟意食呢度嘅寿司饭，因为唔使点豉油已经系好好味嘅醋饭，部份寿司面头轻轻烧一烧，带出咗鱼嘅油香，真系特别好味，另外钟意食海胆嘅朋友，一定唔会错过，因为真系好香好好味，下次想饮嘢食饭，呢度都会系我唔错嘅选择。