香港郵意 (已結業)

餐厅环境清幽，装饰得好细致，无论系一个人黎叹番杯咖啡，写番张postcard，睇番本小说，定系三五成群黎聚脚，倾下闲计，打下卡，依度都系唔错嘅选择~我地先点餐，然后揾位，有卡位、长枱、榻榻米，再等电子器响，就可以出去拎野食，非常流畅。香草汁菠菜杂菌意粉($58)同埋黑松露汁杂菌意粉($68)，用纸兜装住，睇落好细碟，食落又估唔到份量咁多。意粉硬度刚好，配上香草汁同埋黑松露汁就更加creamy。杂菌煮得非常香口，又唔会有太油嘅感觉。朱古力心太软配雪糕($68)，果然冇辜负我对佢嘅期望，系即叫即焗嘅。心太软非常松软，切开后朱古力酱就流哂出黎，朱古力味浓郁，配上雪糕简直系冰火交融~Tiramisu($38)，做法正宗，带有浓浓既咖啡味，cream入口即溶，中间脆脆地增加咗唔少口感。Cappuccino($38)，拉花细心，奶沫好厚，咖啡味非常明显，牛奶、咖啡沟埋奶泡整个感觉充斥住味蕾，唔洗落糖都有甜味~