影片
更多
2020-01-17
2424 浏览
呢一日，约咗啲弟兄行城门水塘，咁啱老婆又约咗啲姊妹饮茶+食晏，得番小弟一支公，所以，就趁行山前食个早午餐，一餐顶两餐。出咗荃湾西站，谂住行过去荃新天地打个转，睇睇有咩选择，就晌经过如心广场时，见到地铺有家「 Espresso Alchemy」，曾经光顾过知道其水准，加上一心打算叹吓咖啡，呢道都算合晒心水。荃湾店嘅环境比尖沙咀店无咁分割，一眼睇通晒，装修简洁明亮，又一室以白为主调，走摩登路线。加上对外一面喺落地大玻璃，透入自然光，更感活力。拎本餐牌埋位慢慢研究，睇睇呢个时段有咩拣。晌首页，见有张独立嘅菜单，只喺周末及假日供应嘅「All Day」，但事后再睇埋主餐牌，除咗个「如心全日早餐」之外，其他菜式晌主餐牌都有，价钱亦喺一样。再详细问店员，就算拣呢个餐牌嘅菜式，亦无饮品优惠，故此，呢个唔喺套餐嚟。而主餐牌，先喺啲特色饮品，再落嚟就仲有多款咖啡、手工啤、朱古力、茶品、鲜奶及梳打……等等。食物方面，跟尖沙咀店有少少唔同，包括沙律、三文治、多士、汉堡、意大利面及意式三文治。晌柜枱落好单之后，侍应会根据你取得嘅号码牌送上食物，亦顺便摆上餐具，而餐厅却无收加一服务费嘅。鲜奶咖啡 $41嚟到「 E
荃湾店嘅环境比尖沙咀店无咁分割，一眼睇通晒，装修简洁明亮，又一室以白为主调，走摩登路线。加上对外一面喺落地大玻璃，透入自然光，更感活力。
拎本餐牌埋位慢慢研究，睇睇呢个时段有咩拣。晌首页，见有张独立嘅菜单，只喺周末及假日供应嘅「All Day」，但事后再睇埋主餐牌，除咗个「如心全日早餐」之外，其他菜式晌主餐牌都有，价钱亦喺一样。再详细问店员，就算拣呢个餐牌嘅菜式，亦无饮品优惠，故此，呢个唔喺套餐嚟。
而主餐牌，先喺啲特色饮品，再落嚟就仲有多款咖啡、手工啤、朱古力、茶品、鲜奶及梳打……等等。
食物方面，跟尖沙咀店有少少唔同，包括沙律、三文治、多士、汉堡、意大利面及意式三文治。
晌柜枱落好单之后，侍应会根据你取得嘅号码牌送上食物，亦顺便摆上餐具，而餐厅却无收加一服务费嘅。
鲜奶咖啡 $41嚟到「 Espresso Alchemy」叹咖啡，真喺唔使点担心。睇见咁手工嘅拉花，天鹅嘅花纹咁细致，已感觉差唔得去边。小呷一啖，完全晌无搅过情况下，已饮得出𠮶份均匀感，喺撞奶泡手势够好，而咖啡醇厚带微微果仁香，故此，口感及味道都极具水准。
鲜奶咖啡
$41
11 浏览
0 赞好
0 留言
本想点客虎虾意粉，但始终等阵就行山，费事食得太饱，就嗌咗份轻盈啲嘅意式三文治。面包烘得一格格，拎上手都几热辣吓，入口面包烘至外脆内软，而里面混有好多香草酱、莫沙里拉芝士及蕃茄片，味道清爽却富层次，鸡肉亦比预期中嫩滑，用料不赖。
香蕉蛋糕 $28虽然有点矛盾，但意犹未尽，追加多一客香蕉蛋糕。外层带丁点焦脆，而里面保持湿润，口感实在，香蕉味好浓郁，衬住杯鲜奶咖啡，已经喺一种好好嘅享受。
吃罢个早午餐，仲有点时间剩，晌个窗口位，享受微微日光，打打稿子，覆覆短讯、电邮，无拘无束，喺好向往嘅慢活生活。
张贴
