Hosea (已結業)

去九龍城食厭左泰國菜，都仲有唔少食肆選擇，今次試下呢間木系装修西餐廳。① 香烤紐西蘭肉眼扒配是日時蔬 $188精選套餐跟沙律或餐湯，以及一杯飲品，如果叫餐牌上的其他單點食物則可加$30跟餐。沙律唔係普通沙律菜加黑醋或胡麻醬，而係粟米沙律加蟹柳絲，好味。肉眼扒揀選五成熟，厚身易切，中間呈粉紅色，剛剛好。青蘋果冰茶唔會太甜，冰涼消暑。② 慢煮牛面頰闊條麵 $188闊麵份量都幾多，不過重點係個慢煮牛面頰，四大塊，夠晒腍，仲有膠原口感，入口溶化！③ 水牛城雞翼（辣）$38追加小食三隻水牛城雞翼唔條好厚醬，但味道都幾出，少少香辣幾惹味。