Vision 8

本身知道荃湾有好多嘢食，今次去explore就发现到呢一间西餐，见个menu都几吸引就去试吓。餐厅嘅装修简约有型，两边墙上有整齐嘅手写menu，当中更加画上公仔点缀，颇有心思其中一幅墙贴咗好多即影即有，似乎系好多人嘅会选择嚟庆祝嘅地方，增加咗我对呢间餐厅嘅信心。我哋试咗V8 田园沙律、香煎比目鱼配菠菜忌廉汁烩天使面、烧猪手、苹果金宝配云呢拿雪糕，样样都唔错👍🏻餐前面包面包有三款，每款都好松化。佢自家制嘅truffle牛油劲香，配面包食真系心花怒放。V8 田园沙律沙律入面有mixed vegetables，蕃茄仔同埋大大粒牛油果，佢嘅汁有柑桔香，解到牛油果嘅腻，食落好refreshing。香煎比目鱼配菠菜忌廉汁烩天使面极力推荐呢款菜。一上菜就香气扑鼻，即刻feel到啲口水标出嚟虽然佢望落好多汁，但一啲都唔腻，食到停唔到，好快清晒成碟。个鱼煎得几好，皮脆肉嫩，咬落去一啲都唔干。蜜汁烤猪手餐厅会将最后一步烧脆个皮嘅步骤放喺你面前。一上菜就先淋上酒精，然后点火。当佢烧紧个皮嘅时候，睇住啲猪皮sizzling会隐约闻到淡淡嘅烧烤香。烧完之后餐厅侍应会帮你切件，肉质松化，部份嘅皮烧得非常香趣。份量