影片
更多
2022-04-29
2769 浏览
呢度既装修以马球为主题, 首先系门口位既酒Bar, 再行入去就系用餐既area🍴墙上挂满左用粗金边画框镶住各式各样既油画同埋马球用具, 差唔多每一个角落都系打卡位📸 就算系防疫用既隔板都整到劲靓, 完全好似餐厅装饰既一部分咁☺️ 为左营造气氛, 餐厅会播类似旁述马球赛事既录音, 间唔中又播下歌, 所以令到成个环境有啲过嘈, 唔系好倾到计😅 食物方面以牛扒为主打, 唔食牛既朋友都有鸡同鱼既选择既, 所以唔洗担心☺️ 基本上今次既食物都系由staff介绍, 所以都系唔错既👍🏽Dinkle Sourdough Bread 🥖虽然系一个餐前既酸种包, 但系食落都劲软熟, 配埋特制牛油, 香草橄榄油, 真系会令到你想encore🥰Scallop Ceviche ($188)用呢个作为前菜我觉得系一流, 新鲜既带子切成一片片, 配上酸酸地既酱汁, 再加上香草既调味, 劲refreshing🌿Fries Provenzal🍟($98)唔好睇少呢度既炸薯条, 因为佢系用左鸭油同蒜头去炸, 所以食落特别香, 仲食到啲蒜头碎添, 搞到我地最尾都encore 左一次😍Cream Corn🌽($128)唔好睇佢细
Dinkle Sourdough Bread 🥖
虽然系一个餐前既酸种包, 但系食落都劲软熟, 配埋特制牛油, 香草橄榄油, 真系会令到你想encore🥰
Scallop Ceviche ($188)
用呢个作为前菜我觉得系一流, 新鲜既带子切成一片片, 配上酸酸地既酱汁, 再加上香草既调味, 劲refreshing🌿
Fries Provenzal🍟($98)
唔好睇少呢度既炸薯条, 因为佢系用左鸭油同蒜头去炸, 所以食落特别香, 仲食到啲蒜头碎添, 搞到我地最尾都encore 左一次😍
Cream Corn🌽($128)
唔好睇佢细细兜咁, 其实食落都几多, 因为佢既cream 劲浓厚, 每一啖粟米粒都被满满既cream包住, 暂时系我食过最好食既cream corn😉
Jumbo Asparagus🥒($188)
大大条芦笋轻轻地煎过, 口感几爽脆同埋新鲜感十足😙
24oz USDA Prime Bone in Ribeye🐄($948)
本来想叫个10 oz, 但系staff 怕我地唔够食, 所以就推荐左呢个俾我地😂 份量都几多, 烧到meduim 既牛肉劲软绵, 仲带有微微烧过既香气, 食落系有啲惊喜既😝 食扒之前仲会俾唔同既刀你拣去享受添😂
Half Chicken🐓($368)
见个鸡都几吸引, 所以就试下, 其实我个人觉得个鸡比牛好食🤣 因为鸡肉真系好嫩滑同juicy, 再加埋用左唔同香料去腌到入晒味, 真系令人回味😋
Malvaviscos 🍡($128)
食完咁多咸野当然要返个甜品啦😎 因为庆祝朋友生日, 所以叫左呢个烧棉花糖, 上甜品既时候呢度既staff 会一大班一齐黎唱生日歌, 仲会俾顶马球帽你带住影相😂 最后仲会帮大家影返张即影即有同埋手写生日卡俾你添😉 一个大木盒装住用木筷子串好既四旧大大粒棉花糖, 中间摆左两旧炭既火堆, 感觉就好似bbq烧棉花糖咁🔥 唔好睇佢好似就咁一粒普通棉花糖咁简单, 咬落去中间系拖肥雪糕, 所以系外热内冻, 成个感觉好正, 呢个甜品一定要试❗️
S.Balbo Ben Marco Malbec 🍷($758)
黎到阿根廷餐厅当然要试下阿根廷既红酒啦🇦🇷 呢度既wine list 既选择系多到完全唔知点拣, 所以最后都系交左俾Staff 去介绍🙃 呢枝酒黎自位于海拔 1,100 米既Vallee de Uco既 Los Chacayes 葡萄园, 系一个绝对适合提子生长既好地方🍇 今次呢枝红酒既浓度系14.5 属于full body, 饮落几顺滑易入口, 木味较浓带有少少dark berries 既味道, 十分适合配肉类一齐食😎
整体呢讲呢间餐厅既staff 都几Nice同埋好识搞气氛, 中间仲请我地每人一杯 whisky🥃 除左环境较嘈之外, 食物都几高质, 如果有budget既话呢度都系一个唔错既庆生好地方😚
张贴
