影片
更多
2017-09-05
1049 浏览
2/9/2017同男朋友妈妈庆祝生日，知佢都钟意食泰国菜，见呢间金不换都唔少好评，每次经过都座无虚席，衬呢个机会试试呢间菜馆。一到门口见到带位姐姐做到块面变左包大人算啦，话哂生日饭，陪妈妈食个靓饭先，点左菜先算。食泰国菜无论如何点都要叫碟生虾头篮开开胃既，碟生虾一黎就同我想像中既有少少出入，因为十间泰国菜馆做生虾都系用冰铺底营造新鲜食材既感觉，见佢咁够胆用菜碎，好，即管试下你咩根底。一入口，唔可以话系唔好食既，仲有D咬口既，不过用既虾唔算好大只，证明左冰底对生虾既存在价值，同配汁真系好辣。妈妈最爱既咖喱蟹，叫左个香辣咖哩蟹，滑滑既蛋花，正但个蟹肉都唔够实，蟹肉有D水水地，整体已被蛋花盖过，由于蛋花既力量，香辣咖哩蟹变左香滑咖哩蟹，我当然无问题啦(其实系我怕辣)，不过对一向爱辣既妈妈就....（妈妈：咁都叫香辣）呢个盐烧乌头，虽说盐烧，但手法可能出左问题，成条乌头我完全感觉唔到有咸味，结果成家人每一旧鱼都需要用酱汁，但个酱汁对唔顶得辣既我太辣喇，综合都系条无味鱼，我只能狠心地呢个拼盘又系妈妈指定要叫既，本身系想要两个春卷一个虾，不过侍应姐姐好冷淡讲左句唔比重覆呀就施展轻功好快咁行开左喇唯
同男朋友妈妈庆祝生日，知佢都钟意食泰国菜，见呢间金不换都唔少好评，每次经过都座无虚席，衬呢个机会试试呢间菜馆。一到门口见到带位姐姐做到块面变左包大人算啦，话哂生日饭，陪妈妈食个靓饭先，点左菜先算。
食泰国菜无论如何点都要叫碟生虾头篮开开胃既，碟生虾一黎就同我想像中既有少少出入，因为十间泰国菜馆做生虾都系用冰铺底营造新鲜食材既感觉，见佢咁够胆用菜碎，好，即管试下你咩根底。
21 浏览
0 赞好
0 留言
一入口，唔可以话系唔好食既，仲有D咬口既，不过用既虾唔算好大只，证明左冰底对生虾既存在价值，同配汁真系好辣。
妈妈最爱既咖喱蟹，叫左个香辣咖哩蟹，滑滑既蛋花，正但个蟹肉都唔够实，蟹肉有D水水地，整体已被蛋花盖过，由于蛋花既力量，香辣咖哩蟹变左香滑咖哩蟹，我当然无问题啦(其实系我怕辣)，不过对一向爱辣既妈妈就....（妈妈：咁都叫香辣）
呢个盐烧乌头，虽说盐烧，但手法可能出左问题，成条乌头我完全感觉唔到有咸味，结果成家人每一旧鱼都需要用酱汁，但个酱汁对唔顶得辣既我太辣喇，综合都系条无味鱼，我只能狠心地
呢个拼盘又系妈妈指定要叫既，本身系想要两个春卷一个虾，不过侍应姐姐好冷淡讲左句唔比重覆呀就施展轻功好快咁行开左喇唯有叫一虾饼一鱼饼一春卷喇。
几香口既，但系太大块喇，每人一旧都分唔匀，而且佢个鱼饼似唔只得鱼有少少其他肉，不过都仲系弹牙既。
再黎一个猪肉生菜包，由细食到大，但用既猪肉太瘦喇，无哂感觉，点左酱汁都系因为太瘦既影响，唔掂
烧鱿鱼，可能系我见识少喇，佢烧完出黎都仲有啲偏生，我都系钟意烧熟D 咁就有咬口啦，而且烧既时候汁唔入味，又一份要系咁用酱汁去救既作品。
有人话最基本既野实无死，我落单都系叫左个菠萝炒饭，最钟意用菠萝做盛载器具，感觉有种浓浓既汁，配埋肉松腰果提子干蟹柳鲜鱿等等，令人想再添一碗
P.S.
其实仲叫左条马拉盏炒通菜既，但好可惜一时忘记左影不过都顺带一题喇，味道同街外一般无大差异，都够味，而且大都明白一碟炒菜无咩惊喜可言，唔怪得无特别。
总括黎讲，唔可以话佢食品完全一文不值既，但个人认为系有改善空间，特别系员工态度问题
𠮶日系星期六既，爆场做到燥，大家都系打工仔，无问题，人之常情，你就下我我就下你，都系想开开心心食餐饭姐。但我坐低话哂都比左钱架，你忙我可以体量，你手忙脚乱无招呼可以理解，你攰执紧野无哂表情大家心里明白，但都唔系我行出黎问你揾你都黑口黑面假。 男朋友妹妹都早一个钟前黎 keep 左个蛋糕先，你都知系食生日饭，帮帮手影张相唔过份呀，叫你帮手一家人影张相，你唔钟意咪算啰，你可以话唔得闲都得架，唔洗成部电话跌落枱既。跌都唔紧要，人既野，对住客，错左咪道个歉啰，你眼望住我，又唔出声又唔盛，家阵你跌我电话㖞，我唔闹你你都醒水喇，野又唔讲相又唔影，等我开口丙你咩成场侍应系得一个短发既四眼姐姐帮我地落几杯特饮有少少笑容同建议，其他人唔讲我以为去左大角咀枫树街一号A....
我唔敢话四围叫人唔好黎，但最少我自己既印象的确唔好，相信暂时亦唔考虑有第二次。
张贴
