影片
更多
2022-02-08
334 浏览
上年拣左fine dining，今年都想继续😜 人越大就细食左，食buffet食唔到咁多野，生日一年一次就贵精不贵多咁食翻餐～ 平时大节日都会黎1881影相📸️，每次都有不同既大型特色摆设，所以就黎呢到试下～𠮶阵天气无咁热，所以坐出面，有吊扇既微风都够～ 出面靓好多装修行既系欧陆风格野食方面就分别叫左8-course 同 10-course，感受下有咩分别，主要系开头既红虾🦐同蚬🦪要二拣一，同埋主菜方面，10-course既可以3拣2，而8-course就3拣1～ 有落心思去设计菜式，摆盘都精致，味道几好，某啲菜式如果可以再crossover，或者加多啲特别配料就更加perfect～ 另外略嫌staff讲解有啲短，再长啲去突出每道菜既特色就更加好～(5 😍 系满分，🤩系半分）8-course: $988加一10-course: $1288加一Amuse Bouche (好味指数：😍😍😍🤩)Amuse Bouche喺法文既意思系俾嘴巴既娱乐，代表正餐前既精致小点，个样好似盆栽🪴咁，上面系白色既Mozzarella芝士🧀配番茄仔🍅，奶香浓郁、口感软滑，配埋酸甜开胃既番茄仔🍅几夹～ 不过呢个配
野食方面就分别叫左8-course 同 10-course，感受下有咩分别，主要系开头既红虾🦐同蚬🦪要二拣一，同埋主菜方面，10-course既可以3拣2，而8-course就3拣1～ 有落心思去设计菜式，摆盘都精致，味道几好，某啲菜式如果可以再crossover，或者加多啲特别配料就更加perfect～ 另外略嫌staff讲解有啲短，再长啲去突出每道菜既特色就更加好～
(5 😍 系满分，🤩系半分）
8-course: $988加一
10-course: $1288加一
Amuse Bouche (好味指数：😍😍😍🤩)
Amuse Bouche喺法文既意思系俾嘴巴既娱乐，代表正餐前既精致小点，个样好似盆栽🪴咁，上面系白色既Mozzarella芝士🧀配番茄仔🍅，奶香浓郁、口感软滑，配埋酸甜开胃既番茄仔🍅几夹～ 不过呢个配搭唔算特别，至于下面系咖啡豆☕️同埋蛋糕碎，整到个样似泥土咁，啲蛋糕碎既味道系mix左朱古力🍫同咖啡☕️ ，不过咖啡豆就咁食就比较硬，其实就咁有蛋糕碎就够，蛋糕碎偏干身，唔会好甜，几有咖啡☕️香味
Amuse Bouche
13 浏览
0 赞好
0 留言
面包🍞 (好味指数：😍😍😍😍)
包方面有芝士条🧀🥖、French baguette (棍子面包🥖)同埋biscuit🥯 (美国既比司吉)
芝士条🧀🥖比较干身同脆口，似饼干，带有啲外脆内软，焦香既芝士🧀配埋香草🌿就再多左啲异国风味，都唔错；
棍子面包🥖 据说系烤面包为左唔嘥位就将面团整成长条状，塞入细缝就有左呢款面包🥖 今次系迷你版，外层裹左一层面粉，喺焗既时候保护面团，等外层形成脆皮，避免水分被高温抽干～ 由于面粉比例较少，酸味较淡，小麦香突出啲，系欧洲常见既品酒🍷小点；
呢到既biscuit🥯 (比司吉) 唔系cookie，外表同scone好似，透过加泡打粉或者小苏打粉快速膨胀，而唔用酵母～ 同scone唔同既系，biscuit🥯用中筋面粉，用既奶油🥛同糖低过scone好多同埋无蛋🥚，所以比较蓬松软熟似面包🍞，通常用黎做餐包，下午茶先配scone~ biscuit🥯几香口柔软，带有啲牛油🧈香味几好食😋
个酱系由蜜糖🍯、海盐🧂同橄榄油🫒组成几特别，以往食包都系配牛油🧈或者橄榄油🫒配黑醋，今次呢个有独特香味之余，咸同甜既比例啱啱好，有啲滋润既感觉，又突出到面包🍞既香味，配埋木🪵制既蜜糖🍯棒更加有风味～
Hokkaido Scallop & Oyster Cream, Prawn Cracker - Ikura 🦪🦐 (好味指数：😍😍😍😍)
呢个dish由带子粒⚪️、青瓜粒🥒同鱼子组成，下面再垫啲虾片🦐，口感真系好丰富🤤 带子⚪️虽然切左粒，依然感受到本身系好厚肉，咬落多汁，软绵鲜甜～ 配埋香口又脆卜卜既虾片🦐，爽口既青瓜粒🥒，而ikura系指用酱油和味醂腌制过既三文鱼子🟠，辟出到腥味之余，多左上一份咸香，口感软嫩，入口即溶，好似爆爆珠咁一咬就爆汁，鲜香四溢～ 几surprise既系上面仲有啲用蚝🦪打成既cream，令到整体味道更加有海水🌊既鲜味，真系有好多层次，口感丰富🤤 带子⚪️如果可以再鲜甜啲就更加好～ 另外下面既樱花虾🌸🦐系摆设黎唔食得，如果可以加埋落个dish到可能会有意想不到既效果～
Hokkaido Scallop & Oyster Cream, Prawn Cracker - Ikura
10 浏览
0 赞好
0 留言
Spanish Red Prawn & Avocado Roll, Caviar - Mango Salsa 🇪🇸🦐🥑 (好味指数：😍😍😍😍🤩)
呢个摆盘好靓好有质感😍 入面包住既系西班牙红虾🇪🇸🦐，西班牙红虾🇪🇸🦐除左矜贵，亦都系世界上最好食😋既虾🦐，虾膏香浓，鲜甜弹牙既程度都出色过龙虾🦞，见到已经好兴奋🤩 而出面用creamy、似乳酪，有核桃的香味既牛油果片🥑包住，令到整体口感更加细腻、味道鲜美～ 而上面有少少入口甘香既鱼子酱⚫️，旁边各有一块香脆松化又清甜既红菜头脆片夹住几特别👍🏻 两边仲配埋开胃既芒果🥭salsa汁，偏向台湾风味多过墨西哥🇲🇽风味，清新得黎会清甜啲，balance得好好～ 不过因为红虾🦐既虾味浓郁过普通野生海虾🦐十倍，所以期望会高好多，宜家整出黎既可以再鲜味啲～
Spanish Red Prawn & Avocado Roll, Caviar - Mango Salsa
12 浏览
0 赞好
0 留言
Japanese Clam 🇯🇵🦪 (好味指数：😍😍😍😍🤩)
如果叫8个course, 就呢个蚬肉🦪同红虾🦐牛油果🥑卷二拣一，10个course就直接试埋～ 今次既蚬肉几特别，入面淋左少少麻油，唔会上面既泡泡系用姜同香茅打出黎既，令到个蚬肉鲜甜啲，又靓又特别，好用心去做到内外兼备👍🏻 呢一只蚬肉应该系食过咁多蚬里面最嫩滑同肥美既，因为普遍出面食𠮶啲都好细只同埋会韧韧地，但今次既无，可能因为今次用左特别品种既缘故～ 旁边再配左啲韧韧地既海草，无咩味系用黎装饰既，如果配料好食又有衬托效果就更加好～
Japanese Clam
35 浏览
0 赞好
0 留言
Poached Seasonal Fresh Oyster - Sea Grape 🇫🇷🦪 (好味指数：😍😍😍😍)
呢个系法国🇫🇷既生蚝🦪，厨师👨🍳计住只系用1.5分钟去蒸，呢个时间啱啱够杀菌之余，出黎就有暖暖地半生熟既效果，生蚝🦪入口有海水味🌊，清甜易入口，亦比起普通既蚝🦪更加有鲜美嫩滑，因为生蚝🦪本身有唔同分量既矿物质，受热之后可能会影响味道，所以要煮既话靓既蚝🦪煮到半生熟，好似宜家咁系最好既～ 另外上面放左啲海葡萄，质感爽脆，带有啲海水🌊既咸鲜味道，有啲似鱼子⚫️，但系比较单调，未能够突出蚝🦪既鲜味，如果配料有突出效果就更加好～
Poached Seasonal Fresh Oyster - Sea Grape
7 浏览
0 赞好
0 留言
Seared Norway Langoustine - Sichuan Pepper 🇳🇴🌶️🍊🦞🍝 (好味指数：😍😍😍😍😍)
呢个fusion有惊喜！虽然望落几细碟，但呢个系fine dining既特色 haha 主要用左挪威🇳🇴小龙虾🦞配天使面🍝，小龙虾🦞肉质鲜嫩弹牙，面头有炙烧过，焦香令佢独特既鲜甜更加突出，齿颊留香，比起普通龙虾🦞更加有口感同显赫～ 配埋麻麻辣辣🌶️既调味，几有四川风味，但系又唔会好辣🌶️，配合翻唔同人既口味～ 旁边仲有几点有橙🍊整成既汁，可以中和翻个辣味🌶️，唔食得辣既人都唔怕，厨师👨🍳几细心👍🏻 天使面🍝口感细致柔软，又唔会腍啤啤，索晒个汁既精华🤤 整体酸酸辣辣几过瘾，面头仲有少少鱼子⚫️，令到整体口感更加丰富！真系好唔够喉😋
Seared Norway Langoustine - Sichuan Pepper
9 浏览
0 赞好
0 留言
Potato & Leek Soup - Squid Salad 🍾️🥔🥣🦑🥗 (好味指数：😍😍😍😍🤩)
跟住到香槟薯仔忌廉汤🍾️🥔🥣，第一次唔系一开头就饮汤😂 staff喺上枱既时候先将汤倒落碗入面，确保到个汤🥣依然热👍🏻 虽然薯仔🥔自身既味道比较淡，但加入左炒香既洋葱碎🧅带出香甜既味道，加上烟肉🥓既咸香，令浓汤🥣升华到另一个层次，入口细腻幼滑又creamy，而加左酸酸甜甜既香槟🍾️，令到整体更加清香减轻到忌廉腻腻既感觉～ 另外旁边有烤过既鱿鱼🦑作为点缀，香口惹味，有咬口得黎又唔会韧，同个汤🥣都夹得黎，又比起就咁配面包🍞特别啲～
Potato & Leek Soup - Squid Salad
8 浏览
0 赞好
0 留言
Chinese Yellow Wine French Duck Foie Gras 🦆 (好味指数：😍😍😍😍)
无谂过fusion可以咁样中西合璧，以往食鸭肝🦆或者鹅肝🦢比较多都系配酸酸甜甜既苹果酱🍎去解腻，而今次既慢煮鸭肝🦆配黄酒，原来系中国北方菜既整法，两样都系浓味野，但系感觉又唔会话好违和，鸭肝🦆口感嫩滑绵密，味道鲜美，第一次食无煎过既鸭肝🦆，口感更加细嫩～ 而黄酒醇厚甜香，令到味道更加浓郁～ 不过呢个好唔好食就真系见人见智，因为唔系好多人都接受到黄酒既味道... 配菜方面就配左粟米蓉、粟米粒🌽，以佢既清爽鲜甜去做解腻既效果，上面再加左啲大葱做点缀，令到整体清香啲
Chinese Yellow Wine French Duck Foie Gras
18 浏览
0 赞好
0 留言
Citrus Lemon Verbena Sorbet 🍋 (好味指数：😍😍😍😍🤩)
呢个系好贴心既配搭～ 上一道菜比较浓味，食翻个酸酸地既雪葩🍧，可以清一清味蕾同开胃啲咁再食main course，走个过场几好～ 出面比较多系依照唔同食材既味道去决定菜式排序，但好难隔得好好，宜家直接加一个小食清下，不失为一个好选择！柚子🍊同柠檬🍋系清香开胃既生果，配埋马鞭草既香味就更加特别，系将柚子🍊同柠檬🍋既香味升华左既感觉，沁人心脾～ 旁边仲有一片士多啤梨🍓去令到个颜色靓啲，口感如果再丰富啲就更加好
Citrus Lemon Verbena Sorbet
11 浏览
0 赞好
0 留言
Baked Marinated Black Cod Fish & Shrimp - Miso Bamboo Shoot 🐟🦐 (好味指数：😍😍😍😍🤩)
可惜鸡🐥一定要两个人都叫先得，加上觉得鱼特别啲就要左鱼🐟，呢个系黎自阿拉斯加既黑鳕鱼🐟，拥有丰富既脂肪，所以口感好似天鹅绒咁嫩滑，肉质紧致鲜甜，几得意既系味道仲带有啲独得既奶油香味🥛，另外里面有爽脆既莴笋丝，莴笋丝下面有啲虾胶🦐酿左入去鱼🐟到，鲜味弹牙，口感丰富啲，旁边有个甜椒汁，唔够味既话可以蘸埋个汁，味道甜甜地，有啲似平时喺屋企用黎整叉烧🐷既海鲜酱，估唔到味道都几夹，有提鲜既作用～ 外面仲有竹叶🎋包住，靓得黎突然成件事都好有诗意😂
Baked Marinated Black Cod Fish & Shrimp - Miso Bamboo Shoot
3 浏览
0 赞好
0 留言
Japanese A5 Beef Striploin - Onion Marmalade & Tomato Confit, Black Pepper Sauce (Additional $198) 🇯🇵🐮🧅🍅 (好味指数：😍😍😍😍🤩)
跟住就到日本宫崎🇯🇵A5和牛🐮，今次用既系牛上腰肉，系和牛🐮既高级部位～ 小编叫左medium, 入面系粉红色既🤩 表皮焦香微脆，肉质甘香软嫩又juicy，牛味🐮几浓郁，虽然脂肪丰富，有入口即溶既油香之余但口感又几清爽，真系和牛🐮既魅力所在😎 另外有红酒焦糖洋葱酱🍷🧅，酸甜可口，系米芝餐厅常用既配料之一，几适合用黎配牛排🥩吊味，仲有油渍蕃茄🍅，即系番茄🍅经过低温封干既过程，之后再加入橄榄油做油渍既步骤，将精华浓缩喺番茄🍅入面，所以味道比一般既新鲜番茄鲜美，口感有啲Q弹，两者都可以中和肉既油腻～ 最后配埋黑胡椒既牛肉烧汁更加香口同惹味～
Japanese A5 Beef Striploin - Onion Marmalade & Tomato Confit, Black Pepper Sauce
5 浏览
0 赞好
0 留言
Spicy Chocolate Flourless Cake - Dried Tangerine Peel Sorbet 🌶️🍫🍰 (好味指数：😍😍😍😍🤩)
最尾既甜品打卡一流～ 一上碟既时候，staff会淋上液态氮，烟雾弥漫既感觉好梦幻，为呢一餐画上完美既句号～ 虽然无用面粉，但口感一样湿润幼滑，有朱古力🍫浓郁既香味又唔会好甜，好似食紧brownie咁😋 味道方面亦都打破左我对甜品既认知😂 一入口系朱古力味🍫，跟住慢慢就会辣辣地🌶️几得意，两者味道几夹得几和谐，可能因为呢个系甜品，所以唔会加其他浓郁既香料好似花椒八角𠮶啲抢味～ 另外仲配埋酸酸地既陈皮雪葩🍧，一冻一热真系正🤤
Spicy Chocolate Flourless Cake - Dried Tangerine Peel Sorbet
7 浏览
0 赞好
0 留言
好味指数：😍😍😍😍🤩
推介指数：😍😍😍😍
张贴
