星聚軒

营业中

休息中

朋友顺利打完第二针，借口庆祝一番嘛！听闻这间是新开的店，宣传卓头是由五星级酒店总厨开的私房菜馆啊！今晚是星期日，乜咁静嘅？成晚眼见得3-4枱客，经理和侍应多过客人，服务招呼当然周到，态度亲切有礼貌，无得弹。同样，环境卫生都系一流，这可能与客量有关啦！食物方面，酸菜鱼和宫爆虾球都值得推荐，卖相和味道俱佳，性价比高。个人就觉得文昌鸡就一般了，但不妨一试。饭后甜品送红豆沙，厨师将红豆磨蓉，火喉够，比钱都值嘅！但可能太少客吧！送嘅好过倒啦！另外提一提，开了壸乔麦茶，比传统中国茶又有少少新意。整体上，人均消费2旧水，朋友聚首一堂坐足成晚，算抵啦！唯一改善是菜馆暂时仍只能提供4人一枱，出面已讲紧开12人一围啦！咁大限制好难做到生意啰！唉！这是谁之责？心照啦！希望限聚令快过去，令酒楼食肆早日重生。