影片
更多
2022-05-22
1311 浏览
⭐️⭐️⭐️⭐️⭐️📍彤福轩 (Rosewood Hong Kong @ TST)🍴早两个月前就预约好Rosewood嘅中菜厅，谂住适逢母亲节就带咗爸爸妈妈食好啲，多谢佢哋咁多年嘅照顾💕餐牌有a la carte menu同套餐选择，贪心嘅为食妹就拣咗两款套餐，可以一家人试到多啲菜式😆~ 点心套餐 ($580)• 松茸辽参烧卖、顺德拆鱼饺、咸柠檬星斑饺🍴首先有点心拼盘，辽参爽口弹牙令到猪肉烧卖感觉矜贵咗👑，顺德拆鱼饺造型似一条鱼相当可爱，内饀系嫩滑嘅鱼肉，鲜甜好味👍🏻，咸柠檬星斑饺外皮染上黄色，内里嘅星斑鱼肉加上陈皮碎同咸柠檬，味道不违和仲相当清新，非常特别😋• 顺德拆鱼羹🍴鱼羹一啲都唔腥仲好鲜味，汤底呈奶白色，配料有桂花鱼肉、笋丝、冬菇丝同蛋丝，加上少许胡椒粉就更加惹味😍• 芋茸香酥鸭🍴净系睇卖相已经知道有几脆，厨师以香滑芋茸包住鸭肉，再用猪油网包住炸起，食落多种层次超好食😎• 浓汤凤眼果烩菠菜苗🍴本身为食妹唔系好钟意食白果因为觉得会苦又有怪味😖，呢道菜嘅白果比平时岀面食嘅大粒，又以浓汤烩腍咗同入哂味所以都无咩苦味，菠菜苗亦都无涩味，不过浓汤略嫌太稠，卖相唔系几靓🙈• 上汤鲜虾鱼皮角🍴厨师将三
📍彤福轩 (Rosewood Hong Kong @ TST)
🍴早两个月前就预约好Rosewood嘅中菜厅，谂住适逢母亲节就带咗爸爸妈妈食好啲，多谢佢哋咁多年嘅照顾💕
餐牌有a la carte menu同套餐选择，贪心嘅为食妹就拣咗两款套餐，可以一家人试到多啲菜式😆
~ 点心套餐 ($580)
• 松茸辽参烧卖、顺德拆鱼饺、咸柠檬星斑饺
🍴首先有点心拼盘，辽参爽口弹牙令到猪肉烧卖感觉矜贵咗👑，顺德拆鱼饺造型似一条鱼相当可爱，内饀系嫩滑嘅鱼肉，鲜甜好味👍🏻，咸柠檬星斑饺外皮染上黄色，内里嘅星斑鱼肉加上陈皮碎同咸柠檬，味道不违和仲相当清新，非常特别😋
58 浏览
0 赞好
0 留言
• 顺德拆鱼羹
🍴鱼羹一啲都唔腥仲好鲜味，汤底呈奶白色，配料有桂花鱼肉、笋丝、冬菇丝同蛋丝，加上少许胡椒粉就更加惹味😍
35 浏览
0 赞好
0 留言
• 芋茸香酥鸭
🍴净系睇卖相已经知道有几脆，厨师以香滑芋茸包住鸭肉，再用猪油网包住炸起，食落多种层次超好食😎
35 浏览
0 赞好
0 留言
• 浓汤凤眼果烩菠菜苗
🍴本身为食妹唔系好钟意食白果因为觉得会苦又有怪味😖，呢道菜嘅白果比平时岀面食嘅大粒，又以浓汤烩腍咗同入哂味所以都无咩苦味，菠菜苗亦都无涩味，不过浓汤略嫌太稠，卖相唔系几靓🙈
42 浏览
0 赞好
0 留言
• 上汤鲜虾鱼皮角
🍴厨师将三只鱼皮角化身成三条鲤鱼，造型有心思☺️，味道亦非常唔错，上汤鲜甜，饀料弹牙，好味😋
30 浏览
0 赞好
0 留言
• 香滑芝麻卷 配 顺德伦敦糕
🍴最后系自家制芝麻卷同白糖糕，芝麻卷芝麻味非常浓烈，口感弹牙而且甜而不腻😊，白糖糕够松软，一啲都唔酸，好耐无食过咁高质嘅中式糕点😌
19 浏览
0 赞好
0 留言
~ 品味彤福套餐 ($780)
• 富贵濑尿虾饺、南翔灌汤小笼包、黑松露竹笙上素饺
🍴濑尿虾饺都系第一次食，濑尿虾非常厚肉，独有嘅鲜甜味加上薄薄嘅饺皮，略嫌淡味但口感唔错😉，小笼包都算皮薄饀多又多汤汁，加埋姜丝同少少老陈醋perfect哂😆，素饺好香黑松露味，内饀有几款素菜，味道唔错🙂
54 浏览
0 赞好
0 留言
• 天白菇竹笙炖菜胆
🍴呢款炖汤虽然系素汤，但大大粒嘅天白菇再加菜胆令汤头非常鲜甜，竹笙亦都超大块，爽脆清甜👍🏻👍🏻
• 川椒炒带子
🍴带子以川椒炒起再配以炸鱼皮上碟，配搭新颖，但美中不足系带子炒得有啲过熟，肉质偏实唔够juicy🥲
25 浏览
0 赞好
0 留言
• 瑶柱虾干煮茭白
🍴虾干有成只手指咁长🫢，肉质厚实虾味浓郁，瑶柱上汤煮成嘅茭白笋爽脆入味，估唔到笋丝可以咁好食🤩
• 手打鱼腐汤米线
🍴厨师自家制嘅手打鱼腐同平时食开谭仔𠮶啲好唔同，鱼腐好轻盈，好似食紧一旧带有鱼鲜味嘅白云一样☁️，入口即化😍，鱼汤米线亦非常爽口，为食妹连汤都饮哂，仲要无口渴添👏🏻👏🏻
20 浏览
0 赞好
0 留言
• 杨枝甘露、桃仁萨琪玛
🍴最后亦有自家制嘅杨枝甘露同玛仔，杨枝甘露芒果好香甜而且份量不少😊，玛仔就稍为失色，口感偏硬唔够松化😅
15 浏览
0 赞好
0 留言
💬为食妹同爸爸妈妈都非常满意呢两个套餐嘅菜式🥰，菜式配搭有传统嘅有创新嘅，每道菜都感受到厨师用心带岀食材原有嘅鲜味😌，非常推荐大家带屋企人一试💁🏻♀️
—————————
⭐️⭐️⭐️⭐️⭐️
💲💲💲💲
张贴
