雲南小鍋米線 (華都商場)

营业中

休息中

纵横屯门咁多年都唔知这商场有米线，只知小巴黎或椰林阁。其实佢嘅味道真系冇乜特别出色，🙈米线份量冇乜特别多，不算太弹牙烟韧，麻辣都不太呛，😕基本上所有出品都比较土炮，例如这个蒜泥白肉，只是一个小小的碟子载着一些肉片，然之后有啲带辣的蒜泥，不算太过特别。我的热拌米线，因为近期都喉咙有啲痛，因此没有特别吃辣，谂住用白肉上的蒜泥混合就可以了。😫但是，热拌米线里面的鸡翼尖，系冻啲，唔系普普通通嘅冻，而系完全喺雪柜攞出嚟𠮶种冻，🤷🏾😨真糟糕。另外的卤水鸡翼，喂了一些给婴儿之后，自己吃一口取赫然发觉原来那么咸，之后那些鸡皮的位置都没有给它再吃了。😑佢个位置系喺华都商场中间𠮶层最边皮位置，因此好多时候都会有啲人坐喺外边的露天位置，都算有阿遮头，不过就坐喺好似露台嘅位置，因为喺铺入边嘅位置都唔系特别多，可能有12个左右，如果你人又多嘅话，很多时候都要坐外边。都唔算霸咗佢个位好耐，因为一开始根本佢就无客，12时之前已经去到，不过俾钱嘅时候，那男士仍然系黑口黑面，让人难免有半点难受。我只可以话，有一个后生啲嘅哥仔端菜攞嘢嚟，都算有礼貌呢度有笑容，另一个中年阿叔，的确真系木口木面，好似你去俾钱都得罪佢咁样。