稻香 (愛民廣場)

营业中

休息中

今日懒得煮，所以决定去食下酒楼。入到去就已经好快有咁安排到有位，重有优惠系一蚊乳鸽，乳鸽好惹味，一蚊既野，虽然细只啲，不过一蚊重想点呀，之后再叫多个咕噜肉，酱皇炒象拔蚌再加一个手拍青瓜小食，以上食物都系喺张孖宝纸到拣，记得问佢啲职员攞因为佢当初唔记得左比我地。哈哈。首先，稻香既咕噜肉，小编大力推荐，出面啲咕噜肉好大机会个皮系会淋，不过依个一既咕噜肉系全部都系脆卜卜，热辣辣，份量好足够。之后就系个酱皇炒象拔蚌，本身我地都谂，死啦，无菜洗唔洗加返个菜呢？结果就系依个𩠌里面系会炒埋啲西兰花🥦系个𩠌里面，象拔蚌好爽口，好新鲜，炒得好有火喉。手拍青瓜，都系正常野，小酸，作为开胃小食，真系好正。总括，连埋加一茶位$371.5埋单，依个价钱，正正常常，都系好食，会有下次再食多啲唔同既野。