埠 (已結業)

平时夜晚缓步跑都见到西湾河马头有间日本餐厅，一直都好想试下，不过因为睇唔到餐厅入面，成日觉得佢好似会所，唔系俾我呢啲平民去。今日终于去左，而且发觉呢间餐厅其实非常优质。餐厅格调非常日本，家私同餐具都好精致。睇黎老板同大厨系十分讲究质素。虽然我好为食，但最近细食咗，想试多啲嘢，所以每样野都叫一串。我叫左个前菜烟薰鲑鱼干，一堆串烧包括墨鱼肠、白鳝、牛舌、葱蒜牛肉、美国安格斯肉眼、赤鸡皮、赤鸡肾同锅烧乌冬。当然唔少得啤酒啦啤酒有两只，一只系Sapporo draft，另一只系Ryujin Ozeno Yukidoke beer （尾濑雪融）。个人觉得尾濑雪融好饮好多。呢度仲有其他酒，不过我就无试到。先食下个烟薰鲑鱼干。暖暖地，好香鱼味，送酒一流。原来串烧会有个石炉兴庆住佢地。个炉无火，下面有好多久烧热咗嘅圆石，好细心，呢种执著充满了艺术感。其实所有都好好味，不过咁多款入面，只可以㨂三款的话，我会推介葱蒜牛肉、墨鱼肠、同白鳝。葱蒜牛肉嘅汁同配料混合得好好，带出左牛肉嘅香味。墨鱼肠味道又系好特别，好香，好有层次。如果唔够味，可以自己加盐。又系另一件艺术品黎！最后食番个锅烧乌冬。最初以为好似一般港