北京老家

营业中

休息中

早前同女友两个人去试北京老家，未入去时见装潢设计都系古色古香嘅传统中国风。最印象深刻嘅系师傅特别出演现场拉面条畀我哋食客睇，师傅嘅手打面技术出神入化，睇到我哋叹为观止！第一道系为北京老家嘅招牌菜－老家心灵美我哋就系慕名而来，嚟到果然不负所望，酸酸甜甜好啱做开胃前菜。第二道就系娘娘萝卜丝饼，热辣辣外脆内软，唔会太油腻，食到停唔到口。再来就系京烧排骨架，酱汁渗入排骨里面，好入味，排骨唔会太瘦又唔会太肥，恰到好处。最后就系担担面，我认为系非一般嘅担担面，其精髓所在系个汤够浓，每条面条都有浓汤嘅香同辣味。