喜喜冰室 (已結業)

一直都是銅鑼灣另一冰室、樂心冰室的擁躉，貪其凍啡好飲和常餐的香脆厚多士。但因為近半年水準有點下滑，便帶朋友轉移到喜喜食個tea好了。到這間港式冰室除了食下懷舊裝修，水準亦不致令人失望。因為平日在九龍灣上班已經狂點常餐，今次就試試它的漢堡包吧！雖然是下午茶時段，但點了茶餐以下的炒蛋x牛肉漢堡，都幾新奇配搭。朋友就點了炸雞脾，雖然略貴（$55），但睇個樣都知香脆啦，聽說肉質仲幾嫩滑tim。而本人對於個漢堡呢，都幾滿意！首先個包用左烘過既芝麻包，食落有口感而且畸帶芝麻香。不過重點當然係個炒蛋同牛肉漢堡，炒蛋熟度適中，未至於滑蛋太軟滑，夾包食唔會太濕影響口感剛剛好。牛肉漢堡亦頗juicy，冰室來說都算係超水準。