倫敦大酒樓

营业中

休息中

第一次黎食伦敦大酒楼，全港有推车仔既酒楼唔多啦，所以就黎试下，感觉还可以，几大碟既不过就唔算好吸引我吧，星期日大中小点都系26蚊，一般价钱啦。萝卜榚系够大件既，不过可能太厚关系，口感就一般啦，不过不失吧。山竹牛肉大大粒，都唔粉所以还可以的，唔错。虾饺，皮比较厚不过还可以接受，而且有4粒既。鸡札大大件，不过得鸡，棉花同冬菇，不过入边配料都够大份既。咸水角，应该比出面黎讲算唔油既一次，不过我本身唔太好咸水角既但都觉得可以，唔错。春卷就唔够热了，可能要3楼拎上4楼所以冻左。。。猪脚姜，无咩特别不过猪脚还算软同入味。凤爪没有特别，不过不失吧。有叫烧卖不过无影了，还算是大粒同埋都有4粒既，还算好。。你话食怀旧既我又觉得唔算好怀旧，车仔车头都没有插牌，而且好多姐姐都没有叫食物名所以就唔系好怀旧咁 总结试一次就够了，没有特别吸引既地方。