阿肥火鍋 (已結業)

有两位台湾朋友黎左香港玩，佢地都话想试下港式打边炉~于是就带佢地去装修好有风味既阿肥火锅餐厅系百年纪念公园对面，非常易揾装修系以80年代香港作为主题，无论摆设、地板以至所播既音乐都充满浓浓香港味朋友忍唔住拎相机系咁影~最得意系放左D龙珠漫画系度~真系超怀念...虽然我系女仔，但想当年都好钟意追龙珠漫画坐低睇紧MENU个阵餐厅咁啱就播到某首名曲【对你爱不完】两位朋友一听就识唱~可想而知呢首歌系几咁出名最后我地就ORDER左一个海鲜盘、鲜虾云吞、门鳝炸鱼皮、牛皇拼盘同埋其他丸类、蔬菜同出前一丁海鲜盘包括海中虾、贵妃蚌、大蚬同埋蛏子皇~两位朋友都好满意，因为系台湾打边炉要食新鲜海鲜系好贵...鲜虾云吞入面有好大只虾肉，肥猪肉唔多，我都好钟意食!!牛皇拼盘就有手切牛肉、安格斯牛肉、牛柳粒同埋黑柏叶~两位朋友都钟意食手切牛肉多D,钟意佢够哂淋同埋劲重牛味~而我就钟意食牛柳粒，淋得黎有少少咬口，黑柏叶都唔错，点辣椒豉油就啱哂作为打边炉爱好者，打边炉又点少得炸鱼皮呀?!炸鱼皮就食唔少，门鳝炸鱼皮都系第一次食。MENU写明系有骨，但其实都已经炸到劲脆，基本上D骨都可以食埋~炸鱼皮比平时食开个种厚身少少