科記咖啡餐室

营业中

休息中

一直听讲科记出名猪排靓，今日终于有机会来试一试呢间老字号茶餐厅。礼拜六早上11点左右来到嘅时候未见人龙，好好彩即刻就有位。我好钟意餐厅门口两块拉廉，除左阻挡太阳之外亦显得旗帜鲜明，大大只字写上餐厅嘅名物猪牌饭同牛肉面，相当有代表性。因为未到午饭时间，所以我无点到网络上推荐嘅金牌猪排饭，而系拣咗猪排面。虽然系即食面底，汤底都无咩特别，但系啲猪排嘅肉质扎实，又唔会干柴，而且又够肉味，的确比其他茶餐厅嘅猪排做得出色。下次再来会试下佢地嘅猪排饭睇睇会唔会更加好味。呢度虽然系间简朴嘅茶餐厅，但员工嘅服务都好贴心。当时我系同其他两位食客搭台嘅，服务员伯伯见我将个背囊放喺大髀度，就主动搬张凳过来俾我放个袋，十分细心。