中環茶記 (已結業)

今日去开中环行PMQ, 顺便揾个朋友食埋晚餐先返屋企, 于是行下附近睇下有咩食? 又顺便等埋朋友放工~ 行到威灵顿街附近见到一间门口比较特别既茶餐厅, 睇睇门口餐牌又觉得价钱合理, 于是就入左去喇~ 餐厅以怀旧风格装修, 感觉似7,80年代既茶记, 而且待应都好NICE, 知道我等紧朋友未决定好食咩? 除左推介食物比我之外, 仲推介我先叫佢地杯皇牌滑奶茶饮住慢慢等朋友~ 奶茶的确系好滑好香, 诚意推介必饮~ 之后我地叫左两个小菜, 瑶柱上汤浸时蔬同咕噜鱼块, 另外分别加40蚊两碗白饭同是日例汤, 例汤系冬瓜红萝卜薏米煲猪骨, 够晒热辣辣, 好清甜同好足料~ 瑶柱上汤浸时蔬用左我至爱既白菜仔, 一样好清甜同埋好干净, 唔会有沙, 值得一赞! 咕噜鱼块即叫即炸, 酸酸甜甜又脆皮, 做得出色系个粉浆一D都唔厚身, 所以炸出黎好有口感同好脆~