蓮香居 (已結業)

外出做嘢，一个地方接一个地方， 吊颈都要抖下气 有时个人唔系好肚饿，但系你总会口痕想食啲嘢，想令自己有返d mood当我快速经过莲香居嘅时候，就突然好想 食怀旧小食! 放下脚步行入舖头🚶‍♀️🚶‍♀️🚶‍♀️ 玻璃柜里面有各种唔同怀旧小食，例如: 老婆饼、皮蛋酥、杏仁饼，大大嚿蛋糕……等等!我觉得老婆饼同杏仁饼好多地方都会买到，反而皮蛋酥就唔系度度有得买， 以及我见到佢啲皮蛋酥有啲系放咗落焗炉入面，系可以即时买到个热辣辣嘅嚟食，所以我就决定买一个大嘅皮蛋酥慢慢叹!!皮薄馅靓嚟形容呢个皮蛋酥绝对冇讲错🤩 佢嘅酥皮唔会太厚， 唔会觉得净系食到嚿面粉嘅感觉，再咬入去佢有啲莲蓉包住个皮蛋 !! 我最钟意食佢啲莲蓉，唔会好甜! 你知啦有啲莲蓉食落去净系得阵糖味，甜到你唔想再食第二啖但系佢嘅 莲蓉 配合埋啲皮蛋， 完全中和晒所有味道 皮蛋心值得一提，如果有啲系实的的嘅皮蛋根本系冇心机食落去，有少少流质咁嘅口感完全系会将成个皮蛋酥精髓提升