徐記廚房點心 (已結業)

以往到茶楼饮茶，系唔少家庭嘅周末或假期指定节目。但近几年开咗唔少点心专门店，改变咗呢个传统嘅生态，再唔使净系早午茶时，先可以食到点心啦！今次我哋就嚟到位于太子花园街嘅 ，去到时见排著人龙，就嚟睇睇有咩特别野啦！餐厅以黑色主调，设计时尚，非一般嘅点心专门店，空间感足，唔会觉得挤迫，坐得舒服，叹番一盅两件先！睇睇餐牌，除咗有唔少传统港式点心之外，亦有新派款式，即叫即制，鲜味十足。蟹子烧卖皇    $35依度有多款烧卖选择，我就番传统款式。烧卖粒粒饱满，鲜肉同虾肉爽口嫩滑，配合蟹子嘅脆脆，多重口感。山竹牛肉球    $26饮茶必叫嘅山竹牛肉球，呢碟都几大个，牛肉球肉味香浓，腐皮食起嚟好滑，经典之作。酱皇蒸凤爪    $25用上秘制酱汁够晒惹味，凤爪爽口，豆卜亦索晒酱汁精华。养颜姜汁糕    $29姜汁浓郁，口感带少少烟烟韧韧，甜而不腻，香滑松软。徐记甘露    $25一片片透明糕状，口感有啲似凉粉，质地好滑，糖水甜度啱啱好，配搭埋芝麻、提子干、花生等材料一齐食，口感丰富。