阿肥火鍋 (已結業)

今晚食咩好？今次介绍喱间火锅一入到去好似进入咗时光隧道倒流番去七十八十年代一样，有凉茶舖，银号，杂货舖。枱面上嘅餐具都系向怀旧嘅公鸡碗，餐厅内亦会播放怀旧嘅金曲，成个气氛充满怀旧风情及足迹。考虑咗好耐要咩汤底最后决定叫鸳鸯戏水锅，一边系麻辣一边系松茸菌。一嚟到首先饮咗啖松茸菌，汤底好清甜唔会有青草味。而麻辣汤底麻辣香味十分浓郁，先辣后麻有阵阵花椒香，麻劲辣劲兼备!要推荐下风尘三侠，三侠分别系鲜虾滑，墨鱼滑及牛肉滑。鲜虾滑及墨鱼滑口感弹牙鲜甜，而牛肉滑肉味浓郁肉质爽嫩食得出以新鲜食材打成。黑毛猪腩片肉质鲜嫩肥瘦适中，放咗落去一段时间肉质都唔会变得好硬。而牛胸爽入口爽口，而且仲有阵阵香浓牛味味道非常突出。整体来说很满意。这间餐厅性格比较高，菜品选择种类亦多，值得推荐。