番茄18

营业中

休息中

今日系附近交文件 就同屋企人去揾地方食早餐，行经呢间番茄18见入面装修好有香港怀旧气息，早餐价钱又唔贵就帮衬下，要左3份早餐同3杯特饮：番茄叉烧通粉配多士同炒蛋：番茄汤底真材实料，真番茄味道，浓浓番茄味，配叉烧更好味，而家好多餐厅早餐都无叉烧拣。 配埋嫩滑炒蛋同松厚多士，营养十足。吉烈鱼柳配炒蛋同多士：鱼柳大大块，外皮炸到够脆，入面热辣辣又够嫩，肉质唔会霉，好食！同样有配多士同炒蛋，都好够饱。雪菜猪扒上海面：估唔到佢猪扒咁大块又唔韧，轻轻小煎过更惹味，雪菜味道适中，唔太咸。我地都拣左特饮：菠萝冰（粒粒菠萝够晒冰冻香甜），红豆冰（满满红豆又够蓉），红豆奶茶（两者配搭好夹，有奶茶香又有红豆香甜）。呢几杯饮品真系令人好满足！