金運海鮮酒家 (已結業)

之前喺呢度食过晚饭，食物招待都唔差，所以今次就同屋企人嚟呢度饮茶，原来呢度系自助形式去攞点心，感觉好似细个时啲屋村酒家咁，哈哈，原来佢地有好耐无见好耐无食嘅腊味糯米包，所有馅料包左喺层薄薄黄色嘅包皮里面，𠮶浸皮喺薄到你会见到一粒粒糯米嘅形状㗎，而家已经好少地方见到呢款点心了，今次再见到感觉上已经好有怀旧嘅味道，食落口皮薄馅靓，腊味啲香味涌晒出嚟，我Daddy就最钟意食佢，仲有估唔到嘅系喺1点半左右侍应会好大声咁叫话＂下午茶时间＂，话比全世界知道而家开始下午茶时段，真的非常有细个去饮茶嘅感觉。