畢打奧餐廳

营业中

休息中

之前睇YouTube #MM有集介绍一间76 年历史的英式酒吧餐厅一直好想去试下，今日就同老公黎咗呢间餐厅食Lunch 。今日系平日我哋11:45am去到已经一半满座，餐厅其实坐位都几多，但12点半未够已经Full house , 证明佢哋真系好受欢迎。呢间餐厅保留左好多怀旧的布置，墙上挂左好多餐厅历史的照片、报纸剪报等，仲有D霓虹灯装饰。我哋叫左2 份Lunch set + 1 份好出名嘅法国田螺试吓，Lunch set 包餐汤、餐包、饮品。餐汤我地拣左罗宋汤，呢个汤好好饮好足料，除咗牛肉仲有大量洋葱、蔬菜，煮出来好浓又鲜甜，个餐包热热地几好食。🔶新西兰西冷牛扒 配薯菜🔶块西冷牛扒好厚切，我叫左5 成熟，熟度控制得几好，食落好有牛味，薯蓉亦做到好香滑。🔶鲜椰汁咖喱杂菜蛋 配饭🔶呢个咖喱汁好好捞饭，好有椰香味唔会好辣，大量杂菜+ 煎蛋 一样食得好满足。🔶焗法国田螺🔶我已经好多年冇食过田螺，今次叫左半打来试吓，餐厅会提供田螺钳& 叉好方便轻易就挑到个螺肉出嚟，仲有佢D牛油薯蓉，焗到好香。