樓下冰室

营业中

休息中

荃湾其实都好多嘢食，今次呢间楼下冰室，见佢有几间分店，同埋呢间野主打食蕃茄汤底，经开顺便就黎试吓啦。啲装修都好怀旧下，好适合公公婆婆嚟坐吓，怀缅返过去嘅日子食物嘅种类都几多款，佢最出名嘅系食瑞士鸡髀同埋蕃茄汤底面食。叫咗个蕃茄汤公仔面配瑞士汁鸡髀，呢个系佢哋嘅招牌菜，梗系要试吓啦，佢哋嘅蕃茄汤底好浓郁，好甜，配有蕃茄肉一齐食，好有口感，另外佢哋个滑蛋炒得好滑，搞埋一齐食好香滑，瑞士汁鸡髀，鸡俾肉嫩多汁，瑞士汁好甜，不过鸡髀沟埋蕃茄汤底一齐食会好味啲。另外叫咗个滑蛋叉烧饭，鸡蛋一样炒得好滑，叉烧唔会鞋口，加埋一齐食真系好好味，另外个饭底本身都好大碟，一个中年男人食都会觉得好饱，整体上成餐饭都好抵食。