加記 (真善美大廈) (已結業)

是日要去香港大学办点事，点知原来要搅成日， 完事后筋疲力尽， 于是同事就话不如去食个quick dinner补充体力， 都好㖞，咁就去左附近呢间加记喇。加记其实都系街坊小厨，唔系咩高档野，食物亦都唔系超级好食，但胜在有亲切感。店家推介杏汁炖白肺，真系好好饮， 连我向来唔饮老火汤嘅都成碗饮哂😜。我地只有四个人， 所以都唔敢叫太多，点了个香口嘅脆皮炸子鸡，皮脆肉嫩，唔算太油腻。舖面啲虾片都好新鲜香脆。原本点完个汤同鸡之后就唔知再点咩好， 正在烦恼中时， 我偷听到店员之间对话提到有好靓嘅冻乌头，我一听就知好野， 因为佢菜单上系冇嘅， 只有熟客先识点， 我即刻推介同事点一条， 原来佢地都未食过冻鱼㖞，我就拍心口话佢地知保证试过一定质👍。果然大家都一致好评，冻食更突出鱼嘅鲜味，如果有普宁豆酱更好， 但毕竟佢唔系正宗潮州酒家，所以唔好要求太高。最后我地再点了一个鱼汤浸十二蔬，收尾点都要个清菜菜式嘅，时蔬索左鱼汤更好味。呢餐饭虽然简单， 但食落温馨，食得多山珍海错，有时食返餐平民小炒都几好吖。