羊鞍餐廳

营业中

休息中

香港地而家好难再揾到旧式西餐厅。几经辛苦，喺九龙城比我揾到一间。谂到唔谂，立即飞车去品尝一下。一入到餐厅，已经有一份怀旧嘅感觉，望吓个Menu，一份亲切咁立即涌上心头。记得细个嘅时候，每次同爸爸妈妈入去餐厅，二话不说，一定唔会叫杂扒，贪佢乜嘢都有。依家人大个咗，唔叫什扒啦，见到个火焰铁板羊扒餐，立即叫过嚟试吓先，话晒都系餐厅嘅招牌餐呀嘛。侍应送上铁板餐后，一点火，哇，令童年时嘅画面，，一幅幅涌上心头，感动到不得了。切旧羊扒食下，一啲都唔数，肉汁仲好好保存住喺羊扒里便。好奇心驱使之下，就问问老板，点解羊扒可以做到咁好食。老板好诚实咁答我，唔好意思，呢个系商业秘密，唔话得过我知。明白嘅，如果你试过，我好肯定，你都会同我一样，走去问吓老板点解可以整羊扒整得咁好食。仲有个罗宋汤，虽然系细细碗，但𠮶种浓郁嘅味道，完全保留左我童年时代嘅口味，一路饮，令我想起我爸爸妈妈。还有美味嘅啫喱食添喔！