影片
更多
2022-06-10
46 浏览
喺铜锣湾又有多一间车仔面嘅选择啦🤩 依间餐厅系走怀旧路线嘅，无论系餐厅嘅装修，播放嘅歌曲，餐牌改嘅食物名，都充满住怀旧风~讲完餐厅嘅环境之后就到最重要嘅食物质素啦。首先讲下个汤底先，我哋两个人分别都拣左腩汁，另外再拣左怀旧沙嗲酱同埋秘制辣酱 (两款酱都系分开放喺匙羹入面比顾客自己调校汤嘅辣度) 汤头味道几浓郁唔错。面嘅话就分别拣左油面同埋粗面，份量都几多，面质就软硬适中，属正常发挥。𩠌方面我哋就叫左一个四𩠌面同五𩠌面。四𩠌面 ($50)：南乳猪手 (南乳味几香，炆得几腍)、沙嗲猪皮 (够入味)、香辣猪红 (质地较松散，冇乜味)、爆汁潮州牛丸 (味道正常，但好似唔多觉有爆汁嘅感觉)五𩠌面 ($56)：卤水孖筋 (够腍够入味)、墨鱼丸 (质地比较粉) 、牛柏叶 (爽口入味)、沙嗲猪皮、爆汁潮州牛丸价钱方面十分亲民，位于时代广场隔离嘅店舖，最平嘅三𩠌车仔面都只系$42，真系算几抵食。
讲完餐厅嘅环境之后就到最重要嘅食物质素啦。首先讲下个汤底先，我哋两个人分别都拣左腩汁，另外再拣左怀旧沙嗲酱同埋秘制辣酱 (两款酱都系分开放喺匙羹入面比顾客自己调校汤嘅辣度) 汤头味道几浓郁唔错。
面嘅话就分别拣左油面同埋粗面，份量都几多，面质就软硬适中，属正常发挥。
𩠌方面我哋就叫左一个四𩠌面同五𩠌面。
四𩠌面 ($50)：南乳猪手 (南乳味几香，炆得几腍)、沙嗲猪皮 (够入味)、香辣猪红 (质地较松散，冇乜味)、爆汁潮州牛丸 (味道正常，但好似唔多觉有爆汁嘅感觉)
五𩠌面 ($56)：卤水孖筋 (够腍够入味)、墨鱼丸 (质地比较粉) 、牛柏叶 (爽口入味)、沙嗲猪皮、爆汁潮州牛丸
价钱方面十分亲民，位于时代广场隔离嘅店舖，最平嘅三𩠌车仔面都只系$42，真系算几抵食。
张贴
