老荔冰室

营业中

休息中

今日去长沙湾食嘢，见到呢间好特别嘅冰室，门口嘅装饰除咗系好怀旧嘅霓虹灯之外，上面嘅数字同文字都系一啲茶餐厅嘅术语！你又到底识几多个呢？嚟都咁特别嘅餐厅，当然要叫啲特别啲嘅嘢食啦，主打嘅沙嗲牛肉芝士热香饼汉堡同金沙朱古力流心西多士真系必食😎沙嗲牛肉芝士热香饼汉堡真系好正！热香饼又香又软，牛肉又香又嫩，再加上浓郁嘅沙嗲味，简直系完美嘅组合！咬落去，口感层次丰富，而且味道好夹，真系一试难忘！ 至于个金沙朱古力流心西多士真系好邪恶！外层金黄香脆，内里充满住香浓嘅朱古力酱，一咬落去，朱古力酱就流晒出嚟，简直系幸福爆棚！个人大推茄汁西炒饭配炸鸡脾及炒蛋，呢个茄汁西炒饭真系好正宗！系以前大排档嘅味道👅炒饭粒粒分明，茄汁酸酸甜甜，加上香脆嘅炸鸡脾同滑蛋，真系好满足！份量都几多，够晒饱肚！饮品方便叫咗个阿华田脆脆火山阿华田味好浓郁，脆脆嘅口感又好正，而且个火山造型真系好得意！