小神燈新派飯館 (已結業)

今日去到彩明商场食饭，餐厅系调景岭站出闸行几分钟就到，位置十分方便。餐厅装修好靓，新派中菜设计，加埋餐厅好多details位都有加啲怀旧风，十分用心。坐底后店员就问饮咩茶同送上餐前小食。我地几个人叫左啲照牌菜试下糯米炒膏蟹 $428大大只膏蟹已经切件，但卖相好出色，加上大大煲糯米饭，超抵食。奇趣脆皮猪手 $168猪手好大份，配上几款汁酱，外皮香脆，肉好香好juicy，但食多几旧略微油腻。腿茸菜胆鸡(半只) $148鸡件嫩滑，而且汁唔会太重口味，虽然只有半只，不过都大大份，CP值好高。招牌焗鱼肠 $108焗鱼肠已经买小见小，唔系好多餐厅都有，做到唔腥膻而且有口感又入味好考厨房功夫，餐厅都做到，仲好贴心有胡椒粉提供。甲罗烧虾多士 (4件)  $128大大只虾，爽口弹牙，而食落唔会成口油。老火例汤 $118好有特色嘅茅台樽装，平凡嘅例汤即刻好有特色，汤渣另上好贴心。啫啫芥兰煲 $98好有镬气，香气扑鼻，芥兰又唔会好老。整体黎讲，新派中茶馆一黎可以吸引年轻一辈去打卡，再次爱上食中菜，二黎怀旧装修可以比爸爸妈妈一辈再回忆当年，十分有意思。