十下火鍋

୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧近期開始興番懷舊風格，所以今次就去左位於銅鑼灣登龍街《十下火鍋》打下卡。一入到火鍋店，彷彿回到80年代香港嘅舊屋邨感覺，泛黃嘅牆身和格仔牆瓷加上暗綠色嘅雪櫃，真係好似穿越左去另一個世界一樣。二人套餐 $656套餐已經包含鴛鴦湯底，我就選擇左滋潤木瓜蕃茄鮮魚湯和十下麻辣鍋。首先鮮魚真係有一大條鮮魚尾，煮到咁上下店員就會幫忙從鍋中撈出來。至於麻辣鍋，有大量嘅辣椒，辣得好過癮。大刀手切本地牛頸脊（小）本地手切牛頸脊顏色鮮紅，外邊又帶脂肪花紋，入口牛肉味濃郁。花雕醉雞雞肉嫩滑，又有花雕嘅酒香。十下三寶滑分別為墨魚滑、蝦滑和牛肉滑。佢地嘅手工製作所以比出面嘅更加彈牙。鳳城水餃皮薄餡靚，入面仲有大大隻嘅鮮蝦。三星蔥醬爆貢丸店員提醒我煮完要小心熱，因為入面係爆醬嘅蔥醬，充滿蔥香。另外套餐仲有麻辣鴨血、蔬菜拼盤、懷舊果皮魚蛋、脆炸響鈴。飲品方面，酸梅湯，清熱解膩。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧十下火鍋 (銅鑼灣)銅鑼灣登龍街28號永光中心2樓