香港老飯店 (已搬遷) 新店位置

系上海菜之中，香港老饭店系永远都可以保持到水准，无论几时去食，都可以食到美味既上海菜。今次去食，又可以食到我最想食既：薰蛋、盐水鸭、赛螃蟹、蒸素饺、百页红烧肉同埋炸银丝卷。我到而家都未食到有一家既薰蛋系好食得过呢家，好多都系无烟薰既味道，净系糖心蛋，呢家真系有架！盐水鸭系好少人去食，因为唔多出色麻，不过天气热又无胃口既话，呢个比起粉皮系仲好食ｄ架，起码你唔会觉得个油腻麻。赛螃蟹系住家好少可以整到既，所以次次都会叫，系大家都好钟意既菜式之一，呢家当然唔会令人失望啦！有红烧肉就自然有野去送，广东菜就一定要叫碗饭黎送，上海菜就一定系面或者银丝卷。红烧肉系一个家庭必食既𩠌，超好味，ｄ百页索晒味，真系好食，再加埋一个食极都唔厌既素饺，呢餐真系食得开心。你地唔好睇呢D𩠌好似好common，到到都食到，最起码我仲未整得到好似佢咁好食～你睇下我到而家都仲未写过呢几味𩠌既食谱，你就明点解我仲要出去食啦～