冠華粥麵

营业中

休息中

系荃湾区打滚多年，一直都唔知有呢间手工烧卖。直到烧卖关注组同一啲YouTube介绍先知呢间街坊小店。呢一代人食饭追求既，已经唔止系环境食物，仲要加埋特色情怀，呢样对冠华就应该系强项。根据知情朋友介绍，点咗碗牛杂河加一份20蚊既手工烧卖。牛杂入味，但牛肚较韧，其他一般，河粉太淋，沾满牛腩汤汁却有化学作用，变得惹味。主角手工烧卖，粒粒形状不一正好系手工一粒粒造既证明。烧卖size有如一个乒乓波大小，咬落去较粉有啲实，质感十足。有鱼味，调味亦够，加上豉油同辣油，味道OK。虽然无网上讲到咁神，辣椒油亦唔系特别出色。但每一粒烧卖都系独特既，亦算好食，诚意足以超越坊间一啲以主打浓味汁料，但忽略烧卖本身既店铺。另外由于系街坊店，人情味真系浓啲，入去会见到街坊食面同老板吹水，如果我无睇错，甚至熟客会帮手落单收钱。烧卖阿姨拎烧卖嚟既时候会一直叫你小心热，但要趁热食先好食，感觉同出面一啲排长龙但出名西面既所谓名店完全唔同。据闻呢间店可能会光荣结业，到时香港又少一间特色小店。未食过既趁而家仲有就不妨去感受一下。