北海道十勝豚丼 (已結業)

中午食晏试招牌菜，要左碗烧厚猪扒饭套餐。自称猪扒专家，但出到来块猪扒只系一般大，厚度系正常唔系厚 (目测 10 -12 mm)，比大埔街市炸猪扒还不如 (已经唔计脆浆)。唔够肥干身无汁，一味饭多，多到男仔都食唔晒，遇著女士一定浪费半碗。比对面街食乌冬个间o既专门店差足一皮。讲真，成个 set 连汤及一个可有可无的沙律够胆收人 51 元，都算系有够胆粗粗。或者我应该叫三十元以下 o既餐减低自己o既期望。我俾 OK，主要系侍应态度唔错，留番几分薄面。咁o既质素，怪唔得对面 12:00 可以人满，呢间要 1:00 至满啦。