影片
更多
2012-05-09
1434 浏览
前果排八挂，得知友人结婚了，咁我地知佢钟意食，咁就请佢去食饭啦，最近我就食开北京菜，但系又唔想过海食，咁我既未来秘书就话去呢间试下，但系佢就话唔好比咁大期望，间野不过不失，但依我睇唔系咁简单……睇食评都有好多负评，咁我份人有时真系衰唔信邪，今次真系有d中招。我预先订左只北京填鸭，因为要订先有得食。我地4个人去，开头唔知叫乜好，但系见到张套餐餐单果阵，我地就立刻叫左个4人餐，因为价钱唔算贵，又多野食，基本上个4人餐够6个人食，而本身个餐入面都有只樟茶鸭，但系我已经订左只填鸭啦，所以叫部长改左佢，唔要只樟茶鸭。个餐有5样主菜，再加小笼包，再加高力豆沙，再加生果，真系超多野食凉菜并盘(镇江淆肉+合桃薰蛋+唔知乜斋):个淆肉系几好食既，又唔粉，点镇江醋会更加带出味道。薰蛋:三位友人都话超正，真糖心，可惜既就系我唔食蛋，唔知佢地讲乜。果个唔知乜斋就冇人碰过，咁我就大胆食下，我差d要吐返出黎，因为果d木耳既味道真系好怪，d斋又林，林到咬落去就糊左，唔敢食。清炒虾仁：好腥，同好咸，同埋有d虾既颜色超怪，蓝色既，中辐射??烧双方：用中式饱包住一夹金华火腿like 既薄肉，再加多块炸馄饨皮，再加一d甜甜
睇食评都有好多负评，咁我份人有时真系衰唔信邪，今次真系有d中招。
我预先订左只北京填鸭，因为要订先有得食。我地4个人去，开头唔知叫乜好，但系见到张套餐餐单果阵，我地就立刻叫左个4人餐，因为价钱唔算贵，又多野食，基本上个4人餐够6个人食，而本身个餐入面都有只樟茶鸭，但系我已经订左只填鸭啦，所以叫部长改左佢，唔要只樟茶鸭。
个餐有5样主菜，再加小笼包，再加高力豆沙，再加生果，真系超多野食
凉菜并盘(镇江淆肉+合桃薰蛋+唔知乜斋):个淆肉系几好食既，又唔粉，点镇江醋会更加带出味道。薰蛋:三位友人都话超正，真糖心，可惜既就系我唔食蛋，唔知佢地讲乜。果个唔知乜斋就冇人碰过，咁我就大胆食下，我差d要吐返出黎，因为果d木耳既味道真系好怪，d斋又林，林到咬落去就糊左，唔敢食。
清炒虾仁：好腥，同好咸，同埋有d虾既颜色超怪，蓝色既，中辐射??
烧双方：用中式饱包住一夹金华火腿like 既薄肉，再加多块炸馄饨皮，再加一d甜甜地，酸酸地既酱入面，几特别几好食。个包就好似以前一间快餐店Jack in the box 既 荷包鸡咁。
北京填鸭，即系北京片皮鸭，片超脆，超香，鸭片排得好靓，有葱同青瓜俾你包埋一齐食。平时人地酒楼好少俾青瓜，呢个都几特别，只不过可惜个包皮超厚，同埋唔系用蒸笼一齐上，系放系个碟度，超快就冻晒，一冻d包皮就硬，食两块就滞……不过可以就咁食d鸭都冇问题，因为冻左都好脉皮。
上汤蛋角：个汤佢地帮你分埋一碗碗，每碗一只蛋角，一d白菜，但系成个汤偏咸。一般作品。
蟹粉小笼包：呢个小笼包系好多蟹粉，4人餐得4只，但系都够，因为佢差唔多食完只鸭先上，每人一只都够，我觉得好食系因为我食到都好饱下，再食只小笼包都觉得好好食，皮唔厚。几好几好。
最后再上果盘，成盘都系西瓜，但系唔知系唔系d菜式太咸，其他3个人食都觉得d西瓜冇味，我就觉得ok，又唔系完全冇咁，系淡左d姐。
总合成餐饭我系俾唔合格，因为唔好太多，只鸭就算点好都救唔返，我就真系唔会再黎呢度食，因为咁既价钱，好多地方都好过呢度。
张贴
