影片
更多
2010-07-05
321 浏览
流浮山, 听得多讲得更多, 但一次都未踏足过, 是日天文台差不多全日发出酷热天气警告, 但老婆家仍然举家一齐入去食海鲜, 无他, 因为外父大人一句金口, 父亲节饭局 (补祝) 是也上一回佢地原来已经食过一次, 可惜当时正值蜜月, 同老婆一齐错过左, 今次又是食过翻寻味之果, 能得到大家回味无穷, 所以我一开始已经好期待订左位七点, 我地六点几已经到左, 正好临近日落, 食饭前先沿路一直行小巷, 沿路好多海味干货, 更有好多大到你唔信既游水生猛海鲜, 包你大开眼界, 五至十分钟已经行到尽头, 对岸正是深圳, 日落更有另一番感觉, 可恨当日唔知行程原来系咁, 唔系一定带齐单反装备, 做个十分钟龙友亲戚中, 原来有一位系熟客, 早早已经打左黎留𩠌, 正宗坐底已经有饭开, 而且我地早到+早订位, 好多靓野都留左俾我地, 今餐真是食得高兴头盘先黎三只冻蟹, 蟹钳足有成只鸡脾咁大, 拎上手就好似齿紧一只鸡脾咁, 啖啖肉唔在讲, 蟹既鲜味更加系无得弹, 就连那冻蟹汁都异常鲜甜, 冻蟹不同热蟹, 冻蟹旨在吃蟹既鲜味, 但冻蟹如果不够斤两或不新鲜, 吃冻蟹是受罪, 这里的冻蟹做得好, 我喜欢再点少少醋,
上一回佢地原来已经食过一次, 可惜当时正值蜜月, 同老婆一齐错过左, 今次又是食过翻寻味之果, 能得到大家回味无穷, 所以我一开始已经好期待
订左位七点, 我地六点几已经到左, 正好临近日落, 食饭前先沿路一直行小巷, 沿路好多海味干货, 更有好多大到你唔信既游水生猛海鲜, 包你大开眼界, 五至十分钟已经行到尽头, 对岸正是深圳, 日落更有另一番感觉, 可恨当日唔知行程原来系咁, 唔系一定带齐单反装备, 做个十分钟龙友
亲戚中, 原来有一位系熟客, 早早已经打左黎留𩠌, 正宗坐底已经有饭开, 而且我地早到+早订位, 好多靓野都留左俾我地, 今餐真是食得高兴
头盘先黎三只冻蟹, 蟹钳足有成只鸡脾咁大, 拎上手就好似齿紧一只鸡脾咁, 啖啖肉唔在讲, 蟹既鲜味更加系无得弹, 就连那冻蟹汁都异常鲜甜, 冻蟹不同热蟹, 冻蟹旨在吃蟹既鲜味, 但冻蟹如果不够斤两或不新鲜, 吃冻蟹是受罪, 这里的冻蟹做得好, 我喜欢再点少少醋, 这样蟹味更能提高至另一感觉
之后来一个靓汤, 响螺鸡脚炖汤材料有响螺、瘦肉、圆肉、鸡脚、党参等, 来时原炖盅上, 汤渣分开来, 老实讲, 我真的没想到海鲜饭店的炖汤会如此好味, 完全无味精, 药材味浓, 汤鲜甜, 瘦肉吊出鸡脚鲜味, 鸡脚更是超多, 食极食唔完, 唔系因为留肚食之后既𩠌, 我相信鸡脚很快会被ko掉, 喜欢药材汤必试, 但可能要预早订, 毕竟如此一个药材汤要有足够时间炖先煲得出精髓来
成人前臂咁大既濑尿虾见过未? 之前路过小巷见到那大如手臂既濑尿虾已经吓一跳, 没想到今晚那碟椒盐濑尿虾放在我地面前会如此震撼, 平时食濑尿虾, 相信好多人都觉得剥壳剥得咁辛苦, 但肉就少少, 遇著死虾, 更加系肉随壳走, 剥埋都无肉食, 咁大只濑尿虾就完全无呢个问题, 一定新鲜, 而且只濑尿虾大到要一开三, 必有肉食, 椒盐炒得超香, 我食晒三节, 中同尾最好食, 中间唔驶讲, 啖啖肉又弹牙, 尾原来也不错, 壳很易起, 最后那一节因为没椒盐炒过所以很滑, 真是食到食指大动, 连手指都"选"埋
『边食边熟』, 是鱼上台时侍应同我地讲既一句话, 咁大条清蒸海青班, 蒸鱼既时间可以睇出师傅既功力, 『边食边熟』既意思系, 鱼并不是全熟透, 一路从边开始食, 食到咁上下热力刚好令到中间就熟了, 咁就唔会食到最后鱼肉已老, 的确鱼是蒸得刚刚好, 鱼肉鱼皮都很滑, 海青班我不识得分别, 但这条班真是很美味
凉瓜青椒炒圣子是比较失望的一味, 圣子炒起已经离壳, 奇怪是壳原来留番铺左系底, 我相信此举应该无乜用处, 圣子炒得过老, 已失去圣子鲜味, 如果在普通酒楼绝对收货, 可惜是流浮山, 我相信吃出食材鲜味才是最好做法, 还好酷热天气吃凉瓜正好, 青椒也很甜, 结果又是配菜大过主人婆
蒜蓉粉丝蒸扇贝也只是合格, 扇贝起内脏再蒸, 但奇怪是带子要开边蒸, 少了那吃带子的厚厚口感, 蒜蓉粉丝味道刚好, 带子鲜味贵收在粉丝, 可惜合格有余惊喜欠奉
除却濑尿虾, 大虾也很大只, 豉油皇炒大虾用美极炒的确更香, 大虾在肚位底开边炒, 豉油味能渗入虾肉里, 虾壳很易剥, 这味也很出色, 但多吃无益, 始终美极味道太浓, 之后𩠌菜吃不到味道更是得不尝失
是时候食番d菜, 清炒菜心完全无渣, 令人不禁惊叹, 可能有人会觉得佢渌得过腍, 的确, 渌得过耐甚至可能连菜既营养价值都失去, 但无可否认呢碟菜真系好好味, 如能配少少流浮山制蚝油相信会更好味也更有风味
姜葱蒸鲍鱼又是另一惊喜, 饱鱼足有大半只手掌心咁大, 如此靓食材, 只需简简单单姜葱蒸已经好好食, 饱鱼蒸时间岩岩好, 起壳起内脏后, 再加少少豉油, 一咬, 饱鱼鲜味出晒黎, 再加上一d都唔韧, 果真令人回味无穷
最后来的是杨州炒饭, 炒饭炒得干身, 粒粒分明, 炒饭只有蛋跟叉烧, 始终是流浮山嘛, 如果可以加d虾会更不错
临走不忘睇睇人地台食乜, 即时非常庆幸早订位+早黎到, 因为我地既冻蟹同饱鱼比人地大好多, 相信同亲戚跟餐厅相熟不无关系, 当然价钱会反映番事实, 但如果唔订, 可能是有钱都食唔到, 其实最后每人不用$330, 我已经觉得非常超值了, 比起之前去鲤鱼门食更抵食更好味
流浮山, 无论是港人或游客, 都应该黎一次
张贴
