影片
更多
2021-07-17
1226 浏览
黎得光荣嘅都系为咗支持黄店，唔通为咗d野好食咩?! 但唔代表我要容忍你服务差。食物一如以往，茶餐厅，唔会有特别要求，价钱合理。服务职员，「谭仔阿姐」系列。写呢篇食评都系因为服务差。我哋3:50pm到，个「谭仔阿姐」话中场厨房休息，冇炒野(炒饭，炒面），连常餐即食面个d都冇，所以原本想叫嘅沙嗲牛肉面就冇，建议我哋叫「开心浩园餐」就有。但心入面十万个奇怪，厨房中场休息，「开心浩园餐」只煎蛋点整出黎?! 扒同饭就话一早整定。另外，咁个巨型奄烈点整出嚟?!点知唔洗10分钟后，4:00pm，「谭仔阿姐」们就大叫话有返炒野，d人都开始落单叫面同饭。我哋嘅食物都未黎，所以我哋尝试叫职员转返我地想食嘅沙嗲牛肉面，但职员完全冇尝试去帮手问吓，就截住咗话「入咗机，佢哋已经做咗，好快有」，咁我哋都算。点知最嬲系，4:15pm个「开心浩园餐」都未出，但我隔离枱就已经有沙嗲牛肉面啰，即系4:00pm个时你其实可以改单，望住人地食紧沙嗲牛肉面，自己俾个「谭仔阿姐」焗我食唔系我想要嘅野，你话兴唔兴?! 反映完，好彩个收银阿姐帮我地改。另外中途插曲，个阿姐帮人转枱，执枱时好顺手放咗人哋饮完个杯系我哋度，但唔记得拎返，
食物一如以往，茶餐厅，唔会有特别要求，价钱合理。
服务职员，「谭仔阿姐」系列。
写呢篇食评都系因为服务差。
我哋3:50pm到，个「谭仔阿姐」话中场厨房休息，冇炒野(炒饭，炒面），连常餐即食面个d都冇，所以原本想叫嘅沙嗲牛肉面就冇，建议我哋叫「开心浩园餐」就有。
但心入面十万个奇怪，厨房中场休息，「开心浩园餐」只煎蛋点整出黎?! 扒同饭就话一早整定。另外，咁个巨型奄烈点整出嚟?!
点知唔洗10分钟后，4:00pm，「谭仔阿姐」们就大叫话有返炒野，d人都开始落单叫面同饭。我哋嘅食物都未黎，所以我哋尝试叫职员转返我地想食嘅沙嗲牛肉面，但职员完全冇尝试去帮手问吓，就截住咗话「入咗机，佢哋已经做咗，好快有」，咁我哋都算。
点知最嬲系，4:15pm个「开心浩园餐」都未出，但我隔离枱就已经有沙嗲牛肉面啰，即系4:00pm个时你其实可以改单，望住人地食紧沙嗲牛肉面，自己俾个「谭仔阿姐」焗我食唔系我想要嘅野，你话兴唔兴?! 反映完，好彩个收银阿姐帮我地改。
另外中途插曲，个阿姐帮人转枱，执枱时好顺手放咗人哋饮完个杯系我哋度，但唔记得拎返，真系超级O嘴。
张贴
