鳳鳴居

营业中

休息中

上水不嬲都系美食荒漠，但如果朋友问我上水有咩好食，我一定会谂起凤鸣居。特别推介佢地既喇沙！真心出色！👍🏻👍🏻呢度主打唔同汤底或配料既鸡面，麻辣、喇沙、虫草花等等…如果唔想食鸡面，仲有车仔面同清汤腩饭等既其他选择～讲返喇沙，平时食面我真系好少饮汤（除左拉面），但呢度既喇沙好香好浓郁，多种香料加上椰汁同少少辣，惹味到一个点！😋😋😋麻辣汤鸡面都唔差，鸡既份量都几多，鸡肉嫩滑～知道上水比较偏僻，但多左上水至元朗既单车径，如果踩单车经开上水，不妨黎试试～不过如果黎试，最好预多少少时间等位，事关个人经验系次次都要等阵位～但值架～😎