影片
更多
2014-10-03
919 浏览
做过饮食业既我深明15:00-17:00去食野食物质素同服务态度唔会好得去边但估唔到差到咁完全提议你公司呢段时间不如拉闸或者挂返个《休息中》既牌喺门口话比客人知你落场唔想做生意喇 ------------------------------14:55到达客人不多，只有3枱约6位客人侍应安排我坐4人卡位座位系舒服既睇左餐牌2-3分钟起初带位既黑衫女侍应细心留意到我想落order亦好快咁行过来帮我落单但由我入门口到帮我落order都系全程木无表情兼讲野冇尾音[-_-]Order左个「特制赤丸新味-硬面」卖相好似唔错食落完全系两回事猪骨汤底浓度适中，唔会太浓太腻但饮多两啖已经口渴要饮水蒜油略嫌唔够香秘制味噌只系普通既辣味噌，冇咩特别Order硬面最可怕既事情发生左个面系起骨架（即未熟透） 相片清楚见到每一条面条既中间系比较实色, 左右两边较浅色相信大家喺屋企煮意粉或上海面既时候有时见到面条软身都会心急捞一条出黎试下熟未当你咬开面条既时候会发现系硬既而且横切面中心系白色一点当时正正就系呢个情况仲要好大阵碱水味我即时呆左 除Ippudo HK外点解有5间既Hataka Ippudo
深明15:00-17:00去食野
食物质素同服务态度唔会好得去边
但估唔到差到咁
完全提议你公司呢段时间不如拉闸
或者挂返个《休息中》既牌喺门口
话比客人知你落场唔想做生意喇
------------------------------
14:55到达
客人不多，只有3枱约6位客人
侍应安排我坐4人卡位
座位系舒服既
睇左餐牌2-3分钟
起初带位既黑衫女侍应细心留意到我想落order
亦好快咁行过来帮我落单
但由我入门口到帮我落order
都系全程木无表情兼讲野冇尾音[-_-]
Order左个「特制赤丸新味-硬面」
卖相好似唔错食落完全系两回事
猪骨汤底浓度适中，唔会太浓太腻
但饮多两啖已经口渴要饮水
蒜油略嫌唔够香
秘制味噌只系普通既辣味噌，冇咩特别
Order硬面最可怕既事情发生左
个面系起骨架（即未熟透）
相片清楚见到每一条面条既中间系比较实色, 左右两边较浅色相信大家喺屋企煮意粉或上海面既时候
有时见到面条软身都会心急捞一条出黎试下熟未
当你咬开面条既时候会发现系硬既
而且横切面中心系白色一点
当时正正就系呢个情况
仲要好大阵碱水味
我即时呆左
除Ippudo HK外
点解有5间既Hataka Ippudo竟然煮到个生既兼且冇过水既面我食架？
唔通落场时间真系唔应该去食野？
唯有将个面尽量㩒落啲汤度
希望用汤既温度浸淋佢
(虽然只能够浸到啲面发涨)
个面继续浸我唯有食𩠌
但继续失望
①竹笋咬落"起骨"有渣
我系唔系食紧内地黑心食物［筷子竹笋］
②黑木耳咬落唔系淋咁简单
而系唔知浸左喺热水到几耐
变左滑"珊珊"
③叉烧属于五花腩
我最爱的腩肉，幻想应该好似扣肉般油脂甘香
而且有著淡淡既酱油香味
第一件系切成麻雀般大小
满心欢喜放入口
但点解甜到咁架
用日本菜黎形容
应该系一个煮到蒸发晒水分就干既sukiyaki
另外两件系薄切叉烧
又点解会系冇味架
好难明呀..........[-_-]
可赞既系芽菜系新鲜爽口
而半熟蛋亦做到蛋黄呈啫喱状
食左一半已经放弃了
实在冇心机去食生而浸到发涨既拉面
突然听到啲「挞挞」声, 远处有个红衫女侍应行过
踢拖
我指既唔系木履, 系屋企果只密头拖鞋
点解可以著拖鞋咁唔专业架[-_-]
------------------------------
15:40
放底左筷子近30mins
冇一个侍应收野
朋友未到唯有继续坐喺度等
等到闷将手搁喺枱讲电话
突然「踢拖」红衫女侍应拎住个放满调味料既大长方形tray行近
我下意识望一望佢
女侍应冇讲任何一句野, 将手上既tray一下队埋我面前（冇错，系队！）
只差10cm就会撞落我面上
吓到我即刻弹后
女侍应一句唔好意思都冇, 就伸手拎走喺我左手边既辣芽菜
女侍应个表情仲要系「明知我收紧野就好递埋比我喇」
佢拎完佢要既野, 唔该都冇声就行左去我后面张枱收其他野
我嬲到即时开声：「哗，乜你咁冇礼貌架」
女侍应回头望住我，跟住藐我啰！系个嘴抽筋果只藐呀！
我唔系果啲要求多多既食客
又唔系门口排晒大队一个人霸住张4人枱阻住你做生意
我只系星期日想揾个地方坐得舒服少少等一等朋友啫
点解？点解要咁对我
只想尽快离开既我即刻打电话比朋友睇佢去到边
知佢去到置地我宁愿落楼等佢
即刻起身埋单走人
当我喺洗手间洗紧手既同时
另一位著黑色衫既女侍应推门入黎
又个嘴抽筋地藐我喇！！！
野食系我喺落场时间去食，算喇
但这是甚么服务态度
你咁唔想做向你老板要求, 落场时间拉半闸或者挂个休息中既牌
食出名态度差既澳牛都冇你咁讨厌
我系黎食面．唔系黎受气
题外话/补充资料：
希望Hataka Ippudo 可以向旗下侍应（特别女侍应）进行services 既再培训
(以上食记乃用户个人意见 , 并不代表OpenRice之观点。)
张贴
