第三站

旺角真系好多楼上Cafe，不过我最钟意嘅一定系Station 3 Cafe。白色为主，坐位大多数系舒服嘅梳化卡位。除咗坐得舒服，食物质素仲好好，所以我经常带朋友过嚟帮衬。今日我哋点咗两个晚餐套餐同埋啲小食嚟开心share。呢度晚餐价钱合理，而且所有晚餐套餐都会送$38嘅饮品。我最钟意嗌佢哋嘅朱古力系列，真系好好饮！意式芝士焗肉酱阔条面呢个阔条面真系大胃王必试。一大碗香喷喷嘅肉酱阔条面，加埋软绵绵嘅芝士酱，真系无得顶！而且阔条面keep到弹牙，真系好考厨师功夫。So so yummy。卡邦尼烟肉杂菌意粉呢度嘅卡邦尼意粉百食不厌！Creamy得黎份量足够，包证每条意粉都挂满酱汁，好正！我仲钟意佢哋啲烟肉煮得刚好，保持软身质感，加上大方嘅芝士，真系超正！日式饺子呢度嘅式饺子炸到表皮有少少脆，加上章鱼烧嘅酱汁，酸酸甜甜，仲有我最钟意嘅紫菜，真系超好味，停唔到口！超推介，必试！蜜糖鸡翼超钟意呢度嘅鸡翼！慢慢烤到胀卜卜，皮带少少脆，再加上好多蜜糖汁，一咬落去，蜜糖同肉汁混埋一齐，超级正！鸡肉保持嫩滑，真系好味到停唔到口。鸡翼控必试！一定钟意。焦糖朱古力我通常会加几蚊转饮特饮，呢度嘅焦糖朱古力真系好