兩合海鮮火鍋飯店

营业中

休息中

我最钟意坐大排档，可以食得随心轻松写意讲嘢大声啲都唔怕，最紧要系个气氛！！！喺红磡做完嘢，同班手足去街市有冷气嘅大排挡食埋晚饭。潮州打冷系我最爱，见最多人排队呢间就呢间啦！　一坐低拼盆一定架啦！　最钟意食红肠～～普通货色啦！最钟意食呢个黑柏叶！爽口啲汁又好味！小炒我就钟意食生炒骨。凉瓜牛肉；都几有镬气。食埋炸子鸡，鹅片好贵，叫半只卤水鹅多d肉食，不过我就觉得好鞋口唔够入味！再饮埋啤酒，吹下水讲下粗口又一晚啊。想食个炒饭，三催四请先行炒，都炒得好干身算合格。服务态度真系果然差到不得了，同食评讲嘅都好吻合。