華星冰室 (筲箕灣東大街)

营业中

休息中

每次谂唔到食咩都一定会黎食华星。每次黎到华星都唔使谂，一定系叫「常餐叉烧通粉炒蛋热奶茶」。次次落完单啲野食就好快黎到，唔使等。叉烧通粉既汤底好得意，有少少杰身，唔会太水；味道好香，唔会太浓味太咸。通粉煮得啱啱好，口感弹牙。叉烧都几大块，仲有好浓既蜜汁味。佢既常餐仲跟埋牛油厚多士，火腿同炒蛋。厚多士烘得外脆内软，仲涂满牛油，一咬落去口感非常松软。我最钟意佢既炒蛋，炒得好滑好香，带少少蛋汁，唔会炒得太老，真系好想再encore呀！奶茶亦都系好正，好滑。茶味浓郁，带少少茶既涩味，茶同淡奶既比例啱啱好。配埋厚边杯饮，简直系一流既享受。值得一提既系华星冰室除左好食同抵食之外，仲好有人情味。小事一则：柜枱姐姐一见到出面有警察抄牌就即刻大嗌问有无人泊左车，话有警察抄紧牌。然后就见到好多人即刻埋单冲出去攞车，柜枱姐姐仲好快手配合佢地，见到有人杯野未饮晒仲即刻帮佢转用外卖杯比佢拎走，真系超好人。