沙嗲王 (已結業)

我都好耐冇去过沙爹王，我最钟意食沙爹王的白咖喱，所以我以前去亲都系食呢款，今次当然唔例外啦!我最初冇留意到有个自选一餐的餐牌，咁咪散叫攞，落左单后5分钟比我发现到，我即刻同侍应讲要求改单，侍应又好好，即刻帮我问厨房，好彩厨房仲未整，真系合时啦! 哈!结果我改左食自选一餐的白咖喱猪扒饭，可配餐汤或小食拼盘，因为朋友叫左龙虾肉浓汤，所以我就要左小食拼盘，饮品比朋友饮，佢拣左热柠茶，仲有雪糕食添，真抵食~白咖喱同阔别多年的味道一样咁好味，甜甜地、轻量辣味，猪扒整得好林、松软，唔会咬极都咬唔开。白咖喱猪扒配埋一齐食饭，特别好配饭，食到一D汁同一D饭都唔好浪费，赞!小食拼盘有泡菜、青豆角同春卷，我觉得泡菜味道一般，始终唔系正宗，都系韩国餐厅果种好食，青豆角冇乜味，春卷细细条BB咁，好得意，味道尚可接受。朋友的龙虾肉浓汤好唔掂，好粉，落得太多生粉开呢个汤，虽然够稠，但唔好饮。龙虾肉得果几粒仔，15蚊系咁上下，最差的系个汤太咸，朋友饮左一半都唔想再饮落去啦!雪糕系雀巢牛奶公司果D，冇得拣味道，我呢杯系朱古力。