海皇粥店 (美孚新邨)

营业中

休息中

晌美孚想食粥，除咗彬记（最初搬嚟美孚时佢叫彬记，后尾转咗怡园，依家又叫番彬记）、一粥面（年几前新开，食过，一般般），比较稳定又近我哋啲有「海皇」，所以，不时都有帮衬，但写就好少写，今次，就因为试咗佢哋嘅粢饭，先写番次。 餐厅环境就唔多写，都喺好一般嘅快餐店格局，胜在够光猛、整洁，不过，今朝却喺比预期少客，可能唔喺返工、返学日子，所以，个场都几清静。 之前嘅餐牌一大本咁，今之后嚟到就一张纸过，除咗早餐，仲有其他餐喺全日供应，如出前一丁餐、粢饭餐、银针粉餐。 南瓜粟米肉碎粥配蒸萝卜糕 $34话时话，老婆对呢一款粥都几情有独钟，无正式统计，但印象中好几次都喺佢，都喺贪其有南瓜跟粟米，将两者打到蓉嚟煲粥，喺几香嘅，南瓜味又几突出，粥底够绵滑，今次啲肉碎又俾得几多。净食粥佢都话够晒饱，加埋配蒸萝卜糕添，所以，最后都由小弟包底，至于啲萝卜糕，都几足料，萝卜味颇香，内里食到一丝丝萝卜丝，颇清甜，夹杂少少虾米，唔错。榨菜肉松粢饭配豆浆 $22件粢饭包得几实净，拎上手都好坠手，中间亦包咗好多榨菜、肉松同油炸鬼，份量算好足秤，味道咸咸香香，啲饭粒又够黏糯，几好食㖞。虽然可以加钱转其他饮品，不过，饮豆浆味仲