GREEN

呢餐生日饭食左好耐啦, 一直未有时间写食评.近排同女友去左呢度食完 lunch, 即刻揾返上次生日饭 d 相出黎分享~呢度环境都几舒服, 好适合三五知己夜晚黎饮野倾计. 一早订定位同老友聚一聚~我地每人叫左杯餐酒~海鲜拼盘好鲜甜, 特别系蟹脚, 翡翠螺都唔错~ 不过生蚝就一般..... 热辣辣既包好脆, 牛油又香又滑, 我地搽牛油食好快食哂~ 头盘选择左蟹肉沙律, 蟹肉鲜甜, 个汁酸酸地, 好开胃~主菜就叫左羊架 & 野菌意大利饭, 羊架嫩滑~ 意大利饭有点咬口, 我几钟意~最后叫左两个甜品, 系朱古力流心蛋糕 (个名唔记得) & 苹果金宝. 味道一般~ 以价钱黎讲, 应该上层的自助餐 (the market??) 较抵食~呢度胜在气氛好, 几个朋友慢慢坐住, 饮下野, 倾下计, 食下野, 咁又过左个好 relax 既夜晚~