影片
更多
2012-10-20
83 浏览
星期六唔使再返工，有时会瞓得晏，晏咗食早餐自然午餐都食唔落住，所以就不如等食下午茶餐，悭番少少钱！储咗几个月稿，就一次过写一辑「我的美孚下午茶餐」系列，其实唔算咩特别食评，只喺记吓小弟帮衬美孚好几档餐厅下午茶嘅食记。炖奶佬晌美孚开咗两年几，开档之初都较多帮衬，之前对佢又喺写咗几篇食评，不过篇篇都喺晚市，其他时段就未有帮衬。最近，老婆经朋友以七折价买咗几张炖奶佬现金券，所以，就揾咗个星期六晏昼试试佢啲下午茶餐。下午茶餐有两套餐牌，一套喺分为「滋味小食」、「茶餐精选」，另一套喺无乜名堂，立立杂杂咁，总之两套夹埋一共有25款选择，$23-$34！干炒猪扒意粉 $32虽然喺食下午茶，小弟都喺惯叫啲饱肚嘢。干炒意粉好耐无食喇，所以就一试干炒猪扒意粉，讲都唔信，猪扒算俾得多，有三大旧，相反意粉就少，虽然炒得几「匀巡」，可惜有啲咸。餐饮就要杞子圆肉龙眼蜜，套餐喺可以免费升级，润一润吓先。其实圆肉咪即喺龙眼啰，个名好似好累赘，原来圆肉所指真喺有龙眼肉在内，不过沉晌杯底，龙眼蜜确实饮嚟润啲，叫做抵番意粉啲咸味啰！夏威夷烧鸡沙律 $29老婆就想食得轻怡少少，叫咗个沙律，饮热柠水。虽然叫烧鸡沙律，不过块鸡扒
炖奶佬晌美孚开咗两年几，开档之初都较多帮衬，之前对佢又喺写咗几篇食评，不过篇篇都喺晚市，其他时段就未有帮衬。最近，老婆经朋友以七折价买咗几张炖奶佬现金券，所以，就揾咗个星期六晏昼试试佢啲下午茶餐。
下午茶餐有两套餐牌，一套喺分为「滋味小食」、「茶餐精选」，另一套喺无乜名堂，立立杂杂咁，总之两套夹埋一共有25款选择，$23-$34！
干炒猪扒意粉 $32虽然喺食下午茶，小弟都喺惯叫啲饱肚嘢。干炒意粉好耐无食喇，所以就一试干炒猪扒意粉，讲都唔信，猪扒算俾得多，有三大旧，相反意粉就少，虽然炒得几「匀巡」，可惜有啲咸。餐饮就要杞子圆肉龙眼蜜，套餐喺可以免费升级，润一润吓先。其实圆肉咪即喺龙眼啰，个名好似好累赘，原来圆肉所指真喺有龙眼肉在内，不过沉晌杯底，龙眼蜜确实饮嚟润啲，叫做抵番意粉啲咸味啰！
夏威夷烧鸡沙律 $29老婆就想食得轻怡少少，叫咗个沙律，饮热柠水。虽然叫烧鸡沙律，不过块鸡扒只喺「煎」过再加洋葱汁，唔系烧鸡，风味大减。而「夏威夷」难道就喺晌啲杂果沙律之上加咗半块罐头菠萝？个沙律唔算有咩惊喜或突出，属大路制作嘅出品，收$29算喺咁。
炸春卷 $24因为每张现金券喺面值$40，食完两个下午茶餐先$61，佢哋又唔收加一。用一张又要补多廿几蚊，用两张又唔甘心蚀俾佢，所以结果就点多一客炸春卷 $24。依个唔喺餐，喺散叫嘢，所以一客有成5条，条条都几大，一开二，内馅都喺普普通通嘅萝卜丝、甘笋丝，味道一般，胜在香脆唔油。两公婆食埋份炸春卷，真喺好饱！
用上两张现金券，补多$5，咁又一餐喇，哈哈。张贴
